Telur stærra sveitarfélag verða öflugra að öllu leyti - Sigurlaug Gísladóttir Blönduósi
Sigurlaug Gísladóttir, sem fædd er og uppalin í Lýtingsstaðahreppi í Skagafirði, býr nú á Blönduósi og rekur verslunina Húnabúð þar í bæ, sem er hvoru tveggja í senn, kaffihús með blóm og gjafavörur.
Hvernig líst þér á að sveitarfélögin í Austur-Húnavatnssýslu verði sameinuð?
-Mér líst vel á að sameina Austur Húnavatnssýslu
Hvað telur þú jákvætt við þær?
-Held að flest sé jákvætt.
Hvað neikvætt?
-Neikvætt væri ef það yrðu margir ósáttir ef þetta yrði samþykkt. Því óánægja getur skemmt mikið fyrir verkum framundan í stærra sveitarfélagi.
Hvernig telur þú að sameining eigi eftir að breyta þinni afkomu ef nokkuð?
-Sameining breytir litlu fyrir mig persónulega.
Hefur þú fylgst með umræðum og skrifum á heimasíðu sameiningarnefndar Húnvetningur.is?
-Lítið fylgst með umræðum á netinu, er meira fyrir að tala beint við fólk.
Er eitthvað sem þér finnst tortryggilegt sem sett er fram um hugsanlega sameiningu?
-Nei, get ekki séð það.
Er eitthvað þar sem þú ert virkilega sammála?
-Ekkert sérstakt. Ég tel bara að stærra sveitarfélag verði öflugra að öllu leyti.
Eitthvað sem þú vilt koma á framfæri?
-Öll sveitarfélög þurfa að fara hysja upp um sig buxurnar í málefnum fatlaðs fólks, sérstaklega ef litið er til NPA þjónustunnar og dóms sem féll nýlega á Mosfellsbæ, og verður fordæmisgefandi, og ég tel engar líkur á að það sveitarfélag vinni málið á seinni dómsstigum, því lögin eru skýr en ekki hefur verið farið eftir þeim hingað til. Sveitarfélögin sömdu hroðalega af sér þegar sá málaflokkur færðist yfir á sveitarfélögin og eru að súpa seyðið af því síðan. Létu plata sig út í þetta sem kallast SIS mat á fatlanir fólks og fá greitt eftir því sem hefði aldrei átt að verða til. Fólk á ekki að setja í verðflokka eins og hverja aðra gripi heldur skal hver einstaklingur fá þá þjónustu sem hann þarf miðað við heilsu, óháð hvað Excelskjölin segja að þurfi. Og það segja lögin alveg skýrt, hvað sem tekjum sveitarfélaga frá ríki líður.
Í tilefni íbúakosninganna í Austur-Húnavatnssýslu, þar sem fjögur sveitarfélög bíða örlaga sinna um sameiningu eður ei, sendi Feykir, af handahófi, fjórum einstaklingum úr sitthverju sveitarfélagi héraðsins, spurningar til að kanna hug þeirra til verkefnisins og birtist í 20. tbl. Feykis 2021, sjá HÉR.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.