Starfshópur um Umhverfisakademíu á Húnavöllum skilar af sér skýrslu
Við undirbúning kosningar um sameiningu fjögurra sveitarfélaga í austur Húnavatnssýslu kom fram sú hugmynd að koma á fót námi í umhverfisfræðum á Húnavöllum. Hugmyndin er liður í því að gera fyrirhugað nýtt sveitarfélag að umhverfisvænasta sveitarfélagi landsins. Til að sú framtíðarsýn verði að veruleika þarf að eiga sér stað mikil stefnumótun og vinna við aðgerðaráætlun.
Ein helsta aðgerðin verður að koma á kopp námi í umhverfisfræðum í nýju sveitarfélagi og vera þar með fyrsti skólinn á Íslandi sem einblínir eingöngu á umhverfisfræði. Skipaður var starfshópur þann 23. Febrúar sl. til að leggja mat á hugmyndina, greina helstu kosti og ókosti, tækifæri og ógnir o.fl. Starfshópurinn var skipaður: Alexöndru Jóhannesdóttur sveitastjóra á Skagaströnd, Einari K. Jónssyni sveitastjóra Húnavatnshrepps, Magnúsi Jónssyni verkefnastjóra hjá SSNV og Magnúsi B. Jónssyni fyrrv. Sveitastjóra á Skagaströnd.
Starfshópurinn skilaði af sér skýrslu í apríl en 27. Maí birtist hún á hunvetningur.is.
Í lokaorðum starfshópsins kemur eftirfarandi fram:
“Starfshópurinn hefur komist að þeirri niðurstöðu að uppsetning Umhverfisakademíu á Húnavöllum sé bæði gerlegt og áhugavert verkefni en á engan veg einfalt í framkvæmd. Til að hægt sé að gera sér vonir um að stuðningur fáist frá ríkisvaldinu til undirbúnings og síðan árlegs rekstrar þurfi að ríkja samstaða í samfélaginu í A-Hún um málið. Með tillögu til sveitarstjórna sé í raun látið á það reyna hvort vilji er til að standa að málinu og gera það svo úr garði að mögulegt sé að það raungerist. Starfshópurinn leggur því til að Umhverfisakademía að Húnavöllum verði stofnuð.”
"Litið var til Lýðskólans á Flateyri, sem fyrirmynd að rekstrarmódeli. Á Flateyri er í dag rekinn myndarlegur skóli þar sem þekking, færni og hæfni nemenda verða til með þátttöku þeirra í verkefnum sem tengjast atvinnulífi, samfélagi og menningu. Ekki ósvipað og hugmyndafræði Umhverfisakademíunnar gengur út á. Miðað er við að undirbúningur að stofnun akademíunnar byrji á seinni helming ársins 2021 og ljúki vorið 2022 og að skráning nemenda geti hafist þá. Stefnt er á að nemendur hefji nám haustið 2022. Gert er ráð fyrir ráðningu skólastjóra eða verkefnastjóra sem allra fyrst til að vinna að undirbúningi stofnunar akademíunnar," segir á vef sameiningarnefndar, hunvetningur.is.
Hægt er að nálgast skýrslu starfshópsins í heild sinni hér.
/SMH
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.