Spennandi málþing í Kakalaskála
Á morgun laugardaginn 31.ágúst er afar spennandi málþing í Kakalaskála, sem staðsettur er á bænum Kringlumýri í Blönduhlíð Skagafirði. Málþingið hefst klukkan 14 og er öllum opið.
Feykir hafði samband við Guðrúnu Ingólfsdóttur sem leiddi okkur í allann sannleik um málþingið sem snýst að mestu um efni frá Sturlungaöld. Brynja Þorgeirsdóttir segir frá elstu íslensku lækningabókinni sem varðveist hefur. Í bókinni er fjallað um ýmsa sjúkdóma og lækningar við þeim en margt af því þykja ekki góð vísindi í dag. Gísli Sigurðsson lýsir því hvernig stjörnuhiminninn og þau goðsögulegu tákn sem þar eru endurspegla það sem fornsögurnar segja af fólki hér á jörðinni. Torfi H. Tulinius fjallar um húmor út frá samskiptum þeirra feðga Sighvats Sturlusonar og Sturlu Sighvatssonar og valdapíramídann í samfélagi Sturlungaaldar. Að endingu talar Brynhildur Þórarinsdóttir um fornsögurnar frá sjónarhóli barna og hvernig megi matreiða þær fyrir þau.
Málþingið er öllum opið og er fyrst og fremst fyrir fróðleiksfúsan almenning. Þó að það séu fræðimenn sem tala gera þeir það á mjög alþýðlegan hátt. Allt eru þetta reyndir og mjög góðir fyrirlesarar.
Árleg málþing um íslensk fræði hafa verið haldin í Kakalaskála frá 2013. Hugmyndin kom upphaflega frá félaginu Á Sturlungaslóð sem stóð fyrir fyrstu málþingunum. Félagið kemur ekki lengur að þessum málþingum og höfum við Eiríkur Rögnvaldsson ásamt Maríu Guðmundsdóttur og Sigurði Hansen í Kakalaskála séð um þau í mörg ár. segir Guðrún okkur að lokum.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.