Samstaða og kærleikur hjá Jólahúnum í Hvammstangakirkju í kvöld
Í kvöld, 21. desember kl. 20:00, munu Jólahúnar í Húnaþingi vestra syngja inn jólin. Allur hagnaður af tónleikunum í Hvammstangakirkju rennur óskiptur til Margrétar Eikar Guðjónsdóttur sem verður næstu mánuði frá vinnu að jafna sig eftir krabbameinsaðgerð.
Að sögn Kristins Rúnars Víglundssonar, sem er einn af forsprökkum tónleikanna, verður flutt jólalagablanda í kirkjunni; jólalögin sem allir þekkja í bland við frumsamin lög og alvöru óperu klassík. Flestir flytjenda verða húnvetnskir en auk þess munu skagfirskir söngvarar láta ljós sín skína. Auk Kristins koma fram þau Valdimar Gunnlaugsson, Ásdís Aþena, Rokkkórinn sem Ingibjörg Jónsdóttir stjórnar, frænkurnar Sveinbjörg Pétursdóttir, Hulda Jóhannesdóttir og Aldís Jóhannesdóttir, Guðrún Eik Skúladóttir, Ragnheiður Petra og Elvar Logi.
Í kynningu á tónleikunum á Facebook segir að Jólahúnar séu hugarfóstur Skúla Einars heitins semlést í nóvember eftir hetjulega baráttu við krabbamein. Einkunnarorð tónleikanna hans Skúla voru og eru samstaða og kærleikur.
Miðaverð er kr. 3.000, borgað er inn við hurð en enginn posi verður á staðnum. Enn var hægt að nálgast miða þegar fréttin var skrifuð en allar upplýsingar er að finna á Facebook-síðu tónleikanna. Kirkjunni og safnaðarheimilinu á Hvammstanga verður skipt upp í þrjú sóttvarnarhólf en 50 manns geta verið í hverju hólfi. Gestir þurfa að skarta grímum, sjálfum sér og öðrum til varnar, en ekki þarf að gangast undir hraðpróf.
Tónleikarnir eru styrktir af Sóknaráætlun Norðurlands vestra og Kaupfélagi Skagfirðinga.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.