Reynsla og traust
Reynsla og þekking á málefnum Norðvesturkjördæmis skiptir miklu máli þegar velja skal á milli margra ágætra einstaklinga til Alþingis. Ég hef setið á Alþingi í 12 ár og lagt mig fram við það að vinna að bættum búsetuskilyrðum um land allt og að hagsmunum þeirra sem minna mega sín. Ég sit nú í baráttusæti og treysti því að kjósendur treysti mér áfram til góðra verka.
Ég hef unnið af heiðarleika og ábyrgð í mínum störfum og notið trausts til að sinna erfiðum verkefnum og verið formaður atvinnuveganefndar síðastliðin fjögur ár þar sem okkur hefur tekist að vinna saman þvert á flokka að mörgum góðum framfaramálum eins og gjörbyltingu á strandveiðikerfinu sem mikil ánægja hefur ríkt með og mun ég leggja áherslu á að tryggja þær enn frekar og efla fjölbreytta atvinnusköpun og nýsköpun um land allt og störf án staðsetningar.
Það er mikill hugur í fólki vítt og breytt um kjördæmið og ungt fólk er að koma með sína þekkingu, kraft og hugvit og efla samfélögin. Við höfum verið að efla innviði á þessu kjörtímabili í samgöngum, heilbrigðismálum, menntun, flutningskerfi raforku og háhraðatengingum. Á þessari braut eigum við að halda áfram af fullum krafti og vinna með heimamönnum að góðum búsetuskilyrðum því tækifærin eru óteljandi úti um landsbyggðirnar ef rétt er á málum haldið.
Höldum ótrauð áfram
Við eigum að jafna orkuverð til fulls og tryggja afhendingaröryggi rafmagns með öllum ráðum. Það eru tækifæri til nýsköpunar í landbúnaði sjávarútvegi og skapandi greinum og þar mun ég leggja mikla áherslu á að stjórnvöld styðji áfram við að fullum krafti.
Við lengdum fæðingarorlofið úr níu mánuðum í tólf og ætlum að klára að brúa bilið á milli fæðingarorlofs og leikskóla og skapa fjölskylduvænt samfélag. Við viljum tryggja fullt jafnrétti til náms og efla verknám og háskólastarf og rannsóknarsetur á landsbyggðunum.
Það á enginn að búa við örbirgð og það þarf strax að mæta þeim hópi aldraðra og öryrkja sem hafa ekki trygga framfærslu með raunhæfri framfærslutryggingu. Við höfum lækkað heilbrigðiskostnað, skatta á lágtekjufólk og aukið framboð á ódýru húsnæði en við þurfum að gera enn betur.
Vinstri græn eru flokkur sem er óhræddur við að taka að sér erfið úrlausnarefni eins og síðasta kjörtímabil ber með sér og að vinna með öðrum flokkum af heiðarleika og réttsýni að framfaramálum fyrir land og þjóð. Við viljum koma fram við náttúruna af virðingu og tryggja velsæld og jöfnuð með réttlátri efnahagsstefnu.
Ég treysti á ykkur kjósendur góðir að veita mér áframhaldandi umboð til þingsetu og til góðra verka. Ég mun ekki bregðast trausti ykkar. Þitt atkvæði er mikilvægt og getur ráðið úrslitum.
Lilja Rafney Magnúsdóttir alþingismaður NV kjördæmis
Skipar baráttusæti VG .
Fleiri fréttir
-
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.