PCR sýnatökur á Króknum um helgina – Hertari sóttvarnareglur
Á heimasíðu HSN kemur fram að á morgun laugardaginn 15. janúar og sunnudaginn 16. janúar verður boðið upp á PCR sýnatökur á heilsugæslunni á Sauðárkróki á milli klukkan 09:30-10:00. Hertar aðgerðir í sóttvarnamálum taka gildi á miðnætti.
Þá mun verða leyfilegt tíu manns að koma saman í stað 20 áður, skemmtistöðum verður lokað og fjölmennir viðburðir þar sem neikvæðum hraðprófum er framísað verða ekki heimilaðir. Aðgerðirnar taka gildi á miðnætti og gilda til 2. febrúar.
Mbl.is greinir frá því að sundlaugar og líkamsræktarstöðvar megi enn hafa opið og miðast fjöldi við 50% af leyfilegum hámarksfjölda.
„Skólareglugerð frá því í fyrri aðgerðum verður óbreytt. Katrín Jakobsdóttir forsætisráðherra segir að það sé „prinsippatriði“ að halda skólum opnum. Aðgerðirnar taka mið af einni tillögu af alls þremur sem sóttvarnalæknir lagði til við heilbrigðisráðherra.
Lokunarstyrkir munu bjóðast þeim fyrirtækjum sem loka þurfa sinni starfsemi. Þá verður reynt að koma til móts við starfsfólk í heilbrigðiskerfinu til þess að létta þungan róður á því sviði,“ segir á mbl.is.
Alls greindust 1133 smit innanlands í gær og eru nú 9671 einstaklingur í einangrun á landinu öllu og 11061 í sóttkví. Á Norðurland vestra eru 59 í einangrun og 143 í sóttkví. Á covid.is kemur fram að fjöldi sjúklinga á gjörgæslu sé 43, einn þeirra liggur á FSA, og átta á gjörgæslu en fjórir þeirra eru í öndunarvél. Af þeim sem liggja á gjörgæsludeild Landspítalans eru 28 bólusettir en 14 óbólusettir eftir því sem kemur fram á vef spítalans.
Uppfært:
Almennar samkomutakmarkanir sem heilbrigðisráðherra boðar eru komnar á vef stjórnarráðsins en megininntak þeirra eru:
Almennar fjöldatakmarkanir fara úr 20 í 10 manns.
Áfram 2 metra nálægðarmörk og óbreyttar reglur um grímuskyldu.
Áfram 20 manns að hámarki í rými á veitingastöðum og óbreyttur opnunartími.
Sviðslistir heimilar með allt að 50 áhorfendum í hólfi.
Heimild til aukins fjölda með hraðprófum fellur brott.
Sund-, baðstaðir, líkamsræktarstöðvar og skíðasvæði áfram með 50% afköst.
Íþróttakeppnir áfram heimilar með 50 þátttakendum en án áhorfenda.
Hámarksfjöldi í verslunum fari úr 500 í 200 manns.
Skemmtistöðum, krám, spilasölum og spilakössum verður lokað.
Sjá nánar HÉR
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.