Opnun kosningaskrifstofu Sjálfstæðismanna og óháðra
Fimmtudaginn 28. apríl s.l. opnuðu Sjálfstæðismenn og óháðir á Blönduósi og í Húnavatnshreppi kosningaskrifstofu sína í Félagsheimilinu á Blönduósi.
Guðmundur Haukur Jakobsson, oddviti framboðsins, flutti stutta tölu þar sem hann fór yfir þau mál sem unnist hafa á síðasta kjörtímabili. Vakti hann sérstaklega athygli á byggingu verknámshúss sem nýverið var tekið í notkun við Blönduskóla, öfluga ljósleiðaravæðingu Húnanets og uppbyggingu skólalóðarinnar við Blönduskóla en saman mynda skólalóðin og sundlaugin einn vinsælasta áningarstað ferðamanna á svæðinu. Þá sagði hann einnig frá þeirri undirbúningsvinnu sem átt hefur sér stað vegna flugvallarins á Blönduósi en hann hefur um langt skeið verið skilgreindur sem sjúkraflugvöllur en ekki verið unnt að starfrækja hlutverk sitt sem skildi vegna lélegs viðhalds. Á kjörtímabilinu hefur þó ýmislegt verið unnið til bóta, m.a. með sérstökum aðflugsljósabúnaði. Með sameiningu sveitarfélaganna fylgja bæði áskoranir og tækifæri, í því samhengi nefndi Guðmundur Haukur að íbúar muni njóta rekstrarhagræðingar vegna sameiningar skóla og boða Sjálfstæðimenn og óháðir lækkun leikskólagjalda sem og gjaldfrían morgunverð í skóla.
Haraldur Benediktsson, þingmaður Sjálfstæðisflokks í Norðvesturkjördæmi, var sérstakur gestur opnunarinnar og ávarpaði samkomuna. Hann gaf frambjóðendum góð ráð og minnti á það að við sameiningu sveitarfélaga í eina heild verði ávallt að taka mið af því að innan nýs sveitarfélags eru mörg samfélög sem þarf ávallt að taka mið af við alla stefnumótun. Þá útskýrði hann einnig fyrir gestum opnunarinnar hví ljósleiðaravæðing í þéttbýli er mun styttra á veg komin en í dreifbýli.
Opnunin var vel sótt, málefni framboðsins voru kynnt stuttlega og frambjóðendur ræddu við gesti og gangandi. Dagskrá kosningaskrifstofunnar verður fjölbreytt fram að kjördegi, boðið verður upp á uppákomur á borð við heimsóknir þingmanna og ráðherra, fjölskylduskemmtun, PubQuiz og opin kvöld.
/Fréttatilkynning
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.