Og hvað á sveitarfélagið að heita?
Eins og alkunna er þá ákvöðu fjögur sveitarfélög á Norðurlandi vestra að sameinast í tvö í kosningum sem fram fóru 19. febrúar sl. Nú hafa sveitarfélögin sett saman undirbúningsnefndir en eitt mál er kannski eitthvað sem íbúar hafa almennt hvað mestan áhuga á. Nefnilega; hvað á nýja sveitarfélagið að heita? Söfnun hugmynda um nafn á sameinað sveitarfélag Blönduósbæjar og Húnavatnshrepps er hafin en lítil umræða hefur verið um nafn á nýtt sveitarfélag í Skagafirði og má kannski leiða líkum að því að það fái einfaldlega nafnið Skagafjörður.
Húnvetningar hafa tíma til 31. mars til að senda inn tillögur að nafni og er hugmyndasöfnunin öllum opin inni á BetraÍsland.is. Í frétt á vef Húnavatnshrepps segir m.a. að æskilegt sé að tillögur séu lagðar fram með stuttum skýringum. Þá gefst þátttakendum einnig tækifæri til að láta í ljós skoðanir sínar á tillögum annarra. Nánar má lesa um reglur verkefnisins hér >
Blönduós mun að sjálfsögðu áfram heita Blönduós þó sveitarfélagið fái nýtt nafn. Vinsælustu tillögurnar sem stendur eru Húnabyggð og Húnaþing en einnig hafa komið fram tillögur eins og Húnaþing Eystra, Húnaós, Húnafjarðarbyggð, Jörundarbyggð og Austurþing. Varðandi Austurþing er bent á að það geti verið gott að vera framarlega í stafrófinu og gott sé að ná rími við þing. Það er semsagt að mörgu að hyggja áður en nafn er valið.
Gert er ráð fyrir að samhliða sveitarstjórnarkosningum í maí fari fram skoðanakönnun um nafnið meðal íbúa og verða niðurstöðurnar leiðbeinandi fyrir nýja sveitarstjórn sem tekur endanlega ákvörðun.
Í Austur-Húnavatnssýslu standa því eftir þrjú sveitarfélag; þetta nýja, Skagaströnd og Skagabyggð. Í Skagafirði er nú búið að sameina öll sveitarfélög undir sama hattinn og liggur því væntanlega beint við að það fái nafnið Skagafjörður – eða hvað? „Það hefur engin formleg umræða farið fram,“ sagði Hrefna Jóhannesdóttir, oddviti í Akrahreppi, þegar Feykir spurði út í nafnamálið. „Mín tilfinning er þó sú að flestum þyki annað óhugsandi en að Skagafjörður komi við sögu með einum eða öðrum hætti.“
Undirbúningsnefnd hefur verið skipuð, í Svf. Skagafirði í síðustu viku og í Akrahreppi sl. mánudag, en hana skipa Gísli Sig, Jóhanna Ey, Sigfús Ingi fyrir hönd Svf. Skagafjarðar og Eyþór E, Drífa Árna og Hrefna fyrir hönd Akrahrepps. Stefnt er að fyrsta fundi á allra næstu dögum.
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.