Njarðvík hafði betur gegn Stólunum í framlengdum leik sl. föstudag
Á föstudaginn var, 17. nóvember, brunuðu Stólastrákar til Njarðvíkur í Ljónagryfjuna þar sem spilaður var hörkuleikur sem endaði í framlengingu þar sem Njarðvík vann leikinn 101-97. Stólastrákar spiluðu án Sigtryggs Arnars, David Geks og Hannes Inga. Pétur var ekki í byrjunarliðinu að þessu sinni en gaman var að sjá að Callum Lawson og Ragnar Ágústsson stigu upp í leiknum og voru með þeim stigahæstu.
Tindastóll byrjaði leikinn mun betur og náði að komast í 2-10 eftir fimm mínútna leik en þá setti Njarðvík í gír og brunuðu áfram. Tindastóll skoraði ekki körfu síðustu fjórar mínúturnar af leikhlutanum sem endaði 12-12. Annar leikhluti var jafn og skemmtilegur eða alveg þangað til að tvær mínútur voru eftir og staðan 30-31 fyrir Tindastól. En þá tók Njarðvík yfir leikinn sem endaði á því að skora 17 stig á móti 11 hjá Tindastól og staðan því 39-33 fyrir Njarðvík fyrir hálfleik. Í þriðja leikhluta náði Tindastóll að saxa niður forskotið í þrjú stig, þegar minnst var, en leikhlutinn var pínu upp og niður sem endaði á því að bæði liðin skoruð 28 stig hvor og staðan því 67-61 fyrir Njarðvík fyrir síðasta leikhlutann. Eitthvað hafa Stólastrákar tekið sig á fyrir þann fjórða því þeir náðu að jafna leikinn í 88-88 eftir venjulegan leiktíma og því framlenging staðreynd. Í framlengingunni náði Njarðvík hins vegar rétt svo að merja þetta með fjórum stigum. Lokatölur 101-97.
Í liði Tindastóls var Callum Lawson stigahæstur með 28 stig en á eftir honum var Þórir Þorbjarnarson með 19 stig, Drungilas og Ragnar voru með 17 stig hvor, Pétur með 12 stig, Veigar með þrjú stig og Orri með eitt stig.
Næsti leikur hjá strákunum er á fimmtudag 23. nóvember kl. 19:15 þegar þeir taka á móti Haukum í Síkinu.
Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.