Kreppa í aðsigi – Leiðari Feykis
Enn er barist í Úkraínu hvar Pútín þenur vítisvélar sínar sem aldrei fyrr. Fyrir eru hugdjarfir heimamenn sem staðráðnir eru í að verjast fram í rauðan dauðann og vonast eftir aðstoð annarra Evrópuríkja og jafnvel Bandaríkjanna. Af fréttum að dæma er lítil von um hernaðarlega íhlutun annarra ríkja í öðru formi en útvegun vopna eða hernaðartækja til varnar. Spurning hvað það dugar lengi gegn öflugum rússneskum her sem staðráðinn er í að ná yfirráðum í landinu hvað sem það kostar.
Úkraína er ekki í NATÓ og því verður ekki að vænta hjálpar þaðan nema Rússar sprengi eitthvað sem kalla mætti hernaðarlega mikilvægt fyrir sambandið eða ógni enn frekar kjarnorkuverum landsins þannig að þjóðir heims telji að stoppa verði forsetann árásagjarna áður en óbyggilegt verður í stórum hluta álfunnar. Morð á saklausum borgurum Úkrínu, konum og börnum, nægir ekki til að önnur lönd fari að vígbúast enda ekki fyrirséð hvaða stefnu stríðið tæki þá.
Friðelskandi fólk út um allan heim spyr sig, hvernig má það vera að svona lagað gerist nú á tímum. Lærðum við ekkert af brjálæðislegri útþenslustefnu nasista sem náði hámarki í seinni heimstyrjöldinni? Margoft hefur maður heyrt, af hverju voru þeir ekki stoppaðir fyrr? Og nú hvarflar hugurinn í sömu átt. Munum við spyrja eftir nokkur ár; Af hverju voru Rússar ekki stöðvaðir strax? Er þetta kjarkleysi eða herkænska? Ég veit það ekki.
En ljóst er að þetta hernaðarbrölt munu kosta okkur heilmikið hér upp á Íslandinu góða sem og annars staðar í Evrópu og þó víðar væri litið. Óvíst er hvernig gangi með útflutning frá Íslandi næstu mánuði þar sem búast má við hækkunum flestra ef ekki allra kostnaðarliða. Nú þegar hafa vörur hingað til lands hækkað í verði vegna hækkaðs orkuverðs í heiminum sem ekki mun lagast ef olía og gas frá Rússlandi hættir að streyma til Evrópu.
Verðbólgudraugurinn er búinn að klæða sig í sparifötin enda hækka vextir með öllum þeim afleiðingum sem þekktar eru á þeim bænum, áburður til bænda hefur tvöfaldast í verði, spáð er að olíuverð eigi eftir að rjúka upp og óvíst hvernig framboði á ýmsum kornvörum verður háttað í framtíðinni. Ekki verður mikið fengið af framleiðsluvörum Rússa þar sem viðskiptaþvinganir eru í gildi og fréttir herma að öllum útflutningi á rúgi, höfrum, byggi, hirsi, sykri, salti, kjöti, búfénaði og fleiri undirstöðuafurðum frá Úkraínu hafi verið hætt en landið er einn stærsti kornútflytjandi heims og hefur á stundum verið kallað brauðkarfa heimsins.
Það er leiðinlegt að segja það en ég held að við ættum að gera ráð fyrir kreppuástandi næstu misserin.
Góðar stundir!
Páll Friðriksson
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.