Jólatónleikar í Blönduóskirkju til styrktar orgelsjóði
Olga Vocal Ensemble ætlar að syngja jólin inn í ár í Blönduóskirkju fimmtudaginn 9. desember klukkan 20. Þetta verður í fjórða skipti sem Olga heldur tónleika á Íslandi yfir jólahátíðina og í fyrsta skipti sem hópurinn heldur jólatónleika í Blönduóskirkju. Allur aðgangseyrir rennur óskiptur í orgelsjóð Blönduóskirkju.
Á Húni.is kemur fram að efnisskráin verði skemmtilega fjölbreytt og hentar fólki á öllum aldri. Olga mun m.a. flytja lög af fyrstu jólaplötu hópsins, sem kemur út í byrjun desember og kallast Winter Light.
Tónleikarnir fara fram fimmtudaginn 9. desember klukkan 20 en kirkjan opnar klukkan 19. Miðaverð er 3.000 krónur.
Söngvarar:
Matthew Lawrence Smith - 1. tenór
Jonathan Ploeg - 2. tenór
Arjan Lienaerts – Baritón
Pétur Oddbergur Heimisson - 1. bassi
Philip Barkhudarov - 2. bassi
Hægt er að tryggja sér miða á Tix.is
Daginn eftir heldur hópurinn til Ólafsfjarðar og verður með tónleika þar áður en farið verður suður yfir heiðar en þrennir tónleikar eru fyrirhugaðir í Reykjavík 12. og 13. desember.
Á heimasíðu sönghópsins segir að Olga Vocal Ensemble hafi verið stofnaður árið 2012, með aðsetur í Utrecht, Hollandi en söngvararnir eru hollenskir, íslenskir, enskir og rússnesk-amerískir. Ennfremur segir að þetta verkefni hafi byrjað smátt en fljótlega kom fyrsta giggið í íslenska sendiráðinu í Brussel og svo eftir frumraun hópsins í Hollandi var haldið í fyrsta tónleikaferðalagið um Ísland sumarið 2013. Síðan þá hafa verið teknar upp fimm plötur, farið í tónleikaferðir um Evrópu og Bandaríkin og komið fram í Concertgebouw í Amsterdam, Hörpu í Reykjavík og Kennedy Center í Washington, D.C.
Hér fyrir neðan má heyra og sjá Olga Vocal Ensemble flytja Heyr himna smiður:
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.