Jólakveðjur frá Textílmiðstöðinni
Nú þegar landsmenn prýða heimili sín, gjarnan með útsaumuðum jóladúkum fögnum við í Textílmiðstöðinni meðbyrnum sem okkar áherslur á textílinn hafa hlotið.
Árið 2020 er búið að vera erfitt ár fyrir okkur öll, en við hjá Textílmiðstöðinni erum að reyna að gera það besta úr aðstæðunum og halda okkur striki.
Vel hefur fiskast í hinum ýmsu sjóðum og hefur starfsemin aflað á annað hundrað milljóna í ýmis verkefni. Það stærsta er „CENTRINNO”, sem er samstarfsverkefni 26 aðila í níu Evrópuborgum, Amsterdam, Barcelona, Blönduós, Genf, Kaupmannahöfn, Mílanó, Paris, Tallinn og Zagreb. Í flokkun á borgunum var búinn til sérflokkur fyrir okkur: XS.
Verkefnið snýst um að nota menningararfinn sem innblástur til nýsköpunar. Á Íslandi er stefnt að uppbyggingu TextílLabs á Blönduósi, sem er það fyrsta hér á landi. Þar geta allir sem hafa áhuga fengið aðgang, lært á og unnið með ný stafræn tæki og tól: heimamenn sem aðrir, bæði innlendir og erlendir nemendur, grunnskólanemendur á svæðinu, hönnuðir og sérfræðingar. Sérstök áhersla er lögð á ull og umhverfisvæna nýtingu hennar. Í því samhengi fengum við einnig styrk frá Innviðasjóði Rannís, sem ætlaður er til uppbyggingar innviða til rannsókna á textíl. Nú þegar höfum við fest kaup á nýjum stafrænum vefstól, nálaþæfingarvél, stafrænni prjónavél, laserskera, stafrænni útsaumsvél og vínylskera.
Gaman er að segja frá að þrátt fyrir Covid þá hafa nokkrir listamenn lagt á sig erfið ferðalög, sóttkví í Reykjavík, tvöfalda sýnatöku og óvissu með heimkomu til þess að vera í Textíllistamiðstöðinni. Nemendur frá Professionsskole í Kaupmannahöfn, Listaháskóla Íslands og einstaklingar í Textílfélaginu komu í námsdvöl eða sóttu námskeið hjá okkur. Tæplega 2000 manns eru nú að fylgjast með Textíllistamiðstöðinni á Instagram, alls staðar að úr heiminum.
Námsver er á sínum stað í Kvennaskólanum, en prófahald á þessu ári var í lágmarki sökum COVID-19 (í venjulegu árferði eru haldin yfir 100 próf á ári.) Okkur finnst mikilvægt að halda áfram að bjóða upp á þessa þjónustu og hafa hana nemendum að kostnaðarlausu.
Fastir starfsmenn Textílmiðstöðvarinnar eru ekki margir, alls þrír (Elsa Arnardóttir forstöðumaður, Katharina Schneider og Jóhanna Erla Pálmadóttir verkefnastjórar). Með okkur starfa einnig verkefnaráðnir starfsmenn, Ragnheiður Björk Þórsdóttir og Guðbjörg Þóra Stefánsdóttir sem unnu rannsókn um vefnað sem lauk í september. Svanhildur Pálsdóttir var ráðin markaðsstjóri Prjónagleðinnar í haust og er búin að kynna fyrir okkur fullt af góðum hugmyndum. Stefnt er á að halda Prjónagleði - Iceland Knit Fest, 9. - 13. júní 2021.
Á heimasíðu Textílmiðstöðvarinnar, www.textilmidstod.is, má svo finna upplýsingar um fleiri verkefni, stór og smá, sem við erum að vinna eða lukum á árinu.
Við viljum einnig nýta tækifærið og þakka öllum sem hafa lagt okkur lið við uppbygginguna hér á Blönduósi. Við vitum hvað tækifærin eru mörg (og fjöreggin eru ekki bara eitt!) og erum ávallt tilbúin í samstarf. Ef ykkur dettur skemmtilegt samstarfsverkefni í hug, ekki hika við að hafa samband!
Við óskum öllum heimamönnum, samstarfsaðilum og vinum gleðilegra jóla og farsældar á komandi ári.
Starfsmenn Textílmiðstöðvarinnar.
Fleiri fréttir
-
Sjálfstæðisflokkur endaði stærstur í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 01.12.2024 kl. 15.42Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.Meira -
Samfylkingin kom, sá og sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.12.2024 kl. 15.02Kosið var til Alþingis í gær og lágu endanleg úrslit fyrir nú í hádeginu en síðastur til að detta inn á þing var Sigurður Ingi Jóhannsson, formaður Framsóknarflokksins Þá var þegar ljóst að Samfylkingin var ótvíræður sigurvegari kosninganna, bættu við sig níu þingsætum, eru því með 15 þingmenn og eina framboðið sem náði rúmlega 20% fylgi. Þá unnu Flokkur fólksiins og Viðreisn vel á, Miðflokkurinn bætti við sig sex þingmönnum og Sjálfstæðisflokkur var einn ríkisstjórnarflokkanna til að vinna varnarsigur.Meira -
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.