Ístak kærir Vegagerðina vegna útboðs Þverárfjallsvegar
Verktakafyrirtækið Ístak hefur kært ákvörðun Vegagerðarinnar um að ganga til samninga við Skagfirska verktaka, sem áttu lægsta tilboð í byggingu nýs vegar á milli Blönduóss og Skagastrandar, eða nánar tiltekið Þverárfjallsvegar (73) í Refasveit og Skagastrandarvegar (74) um Laxá. Meðan málið er til meðferðar hjá kærunefnd útboðsmála verður ekki skrifað undir samning eins og til stóð.
Tilboðin í verkið reyndust þrjú; frá Ístaki hf. í Mosfellsbæ, Borgarverki ehf. í Borgarnesi og Skagfirskum verktökum ehf. á Sauðárkróki sem, eins og áður kom fram, voru með lægsta tilboðið.
Vegagerðin skilaði kærunefndinni greinargerð í gær, þar sem óskað er eftir því að fá heimild til að halda innkaupaferlinu áfram en meðan kæran er til meðferðar hefur samningsgerðin verið stöðvuð eins og skylt er samkvæmt lögum.
Stefán Erlendsson, forstöðumaður lögfræðideildar Vegagerðarinnar, vonast til að kæruferlið komi ekki til með að tefja verkið. „Við vonum að kærumálið fari sem hraðast í gegn en allt ferlið er stopp á meðan kæran er til meðferðar. Við höfum óskað eftir því við kærunefndina að hún heimili okkur að halda ferlinu áfram og ganga frá samningi. Við vonumst eftir því að fá einhver viðbrögð við því innan skamms,“ sagði hann í samtali við Feyki í gær.
Hann segir kæruna snúast í grófum dráttum um það að kærandi véfengir að lægstbjóðandi hafi uppfyllt hæfiskröfur sem skilgreindar eru í útboðslýsingu og þ.a.l. væri Vegagerðinni ekki heimilt að semja við lægstbjóðanda. Samkvæmt því telur Ístak fyrst og fremst Skagfirska verktaka ekki hafa reynslu af sambærilegu verki.
„Þetta snýst aðallega um það að kærandi telur að lægstbjóðandi uppfylli ekki reynslukröfur í útboðinu en einnig að hann uppfylli ekki kröfur um lágmarks ársveltu, þ.e. fjárhagslegum kröfum bjóðenda.“ útskýrir Stefán.
Samkvæmt útboði skal verkinu vera að fullu lokið fyrir 1. nóvember 2023 og stóðu vonir til þess að framkvæmdir hæfust í haust. Slíkt fer þó mikið eftir tíðarfari, segir Stefán: Stefnan hafi verið að undirrita samning núna og hefja svo í kjölfarið vinnu við verkið.
Hvorki Karl Andreassen, framkvæmdastjóri Ístaks, né Bragi Þór Haraldsson, framkvæmdastjóri Skagfirskra verktaka, vildu tjá sig um kæruna meðan hún væri til meðferðar hjá kærunefnd útboðsmála.
Tengdar fréttir:
Skagfirskir verktakar ehf. með lægsta tilboð í Þverárfjallsveg
Styttist í að framkvæmdir við Þverárfjallsveg um Refasveit og Skagastrandarveg um Laxá fari í útboð
Fleiri fréttir
-
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.