Húnabyggð og Skagabyggð ræða mögulega sameiningu
Húnahornið segir frá því að sveitarstjórnir Húnabyggðar og Skagabyggðar hafa skipað fulltrúa í sameiginlegan vinnuhóp um mögulega sameiningu sveitarfélaganna.
Fulltrúar Húnabyggðar eru Guðmundur Haukur Jakobsson, Auðunn Sigurðsson, Elín Aradóttir og Ragnhildur Haraldsdóttir. Fulltrúar Skagabyggðar eru Bjarney Jónsdóttir, Kolbrún Guðnadóttir, Kristján Heiðmar Kristjánsson og Magnús Björnsson.
Þá hafa sveitarstjórar sveitarfélaganna seturétt með málfrelsi og tillögurétt á fundum vinnuhópsins.
Niðurstaða starfshóps var að ræða sameiningu við Húnabyggð
Kosið var um sameiningu sveitarfélaganna í Austur-Húnavatnssýslu sumarið 2021 og var ekki meirihluti fyrir henni á Skagaströnd og í Skagabyggð. Blönduós og Húnavatnshreppur ákváðu í framhaldinu að sameinast í Húnabyggð en kannaður var hugur íbúa á Skagaströnd og í Skagabyggð að sameinast. Niðurstaða þeirrar könnunar var 26 með en 25 á móti í Skagabyggð á meðan góður meirihluti Skagstrendingur var hlynntur sameiningu. Í kjölfarið bókaði sveitarstjórn Skagabyggðar að ekki væri samstaða innan sveitarstjórnar til þess að hefja formlegar sameiningarviðræður við Skagaströnd.
Á sveitarstjórnarfundi Skagabyggðar nú í apríl lá fyrir samþykkt frá Jöfnunarsjóði sveitarfélaga um fjárstyrk til vinnu starfshóps sem yrði mannaður af foreldrum barna á aldrinum 0 til 12 ára, um sameiningarvalkosti.
Að sögn Erlu Jónsdóttur, oddvita Skagabyggðar, var hópurinn skipaður foreldrum barna á aldrinum 0-12 ára því það var álit sveitarstjórnar að sá hópur hefði mestra hagsmuna að gæta varðandi sameiningu. Í byrjun nóvember lá fyrir niðurstaða starfshópsins og ákvað sveitarstjórn í framhaldinu að fela oddvita að hefja samtal við Húnabyggð um mögulega sameiningu.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.