Hlutfall nemenda sem sækja skóla í meira en 30 km fjarlægð frá heimili sínu hæst á Norðurlandi vestra
Á heimasíðu SSNV er vakin athygli á nýútkominni skýrslu Byggðastofnunar, Vinnu- og skólasóknarsvæði og almenningssamgöngur, sem unnin var af Byggðastofnun fyrir samgöngu- og sveitarstjórnarráðuneytið. Í skýrslunni er að finna áhugaverðar upplýsingar um stöðu þessara mála um land allt, ekki síst á Norðurlandi vestra.
Í færslu samtakanna segir að ef litið er til Norðurlands vestra megi sjá að þar er hæsta hlutfall nemenda sem sækja skóla í meira en 30 km. fjarlægð frá heimili sínu, eða 8,5% og að heildar skólaakstur dag hvern er næst mestur á Norðurlandi vestra á eftir Suðurlandi eða 1043 km önnur leið.
„Af þeirri vegalengd eru 285 km á malarvegum sem er það mesta á skólaakstursleiðum á landinu öllu. Jafnframt eru í landshlutanum flestar einbreiðar brýr á þessum mikilvægu leiðum, eða 49. Það er því verk að vinna í landshlutanum í samgöngumálum með tilliti til skólaaksturs eins og ítrekað hefur verið bent á, m.a. í umsögnum SSNV um samgönguáætlanir sem og í gildandi samgönguáætlun landshlutans sem út kom árið 2019. Nú stendur yfir vinna við endurskoðun áætlunarinnar og mun skýrsla Byggðastofnunar koma að góðum notum við þá vinnu,“ segir á ssnv.is.
Í skýrslu Byggðastofnunar kemur fram að ferðir með Strætó henti illa til að sækja vinnu og skóla á milli þéttbýlisstaða á vinnusóknarsvæði á Norðurlandi vestra og má draga þá ályktun að af þeim sökum hafi flestir ferðast með einkabíl til og frá vinnu á milli þéttbýlisstaða á Norðurlandi vestra. Til að mæta þörfum íbúanna þyrftu að vera tíðari ferðir almenningsvagna á milli þéttbýlisstaða og betra aðgengi. „Byggja þarf upp stæði þar sem almenningsvagnar stoppa s.s. við Hvammstangavegamót og við Blönduós. Byggja þarf plan við vegamót Þverárfjallsvegar og Skagastrandarvegar,“ segir í skýrslu Byggðastofnunar.
Fleiri fréttir
-
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.