Gæði landsins; #1: Hvað er fyrir hvern og hver er fyrir hvað?
Þjóðarbúskapur. - Ísland er fyrir alla Íslendinga
Við Íslendingar stærum okkur af því að reka hér norrænt velferðarsamfélag. Til að slíkur búskapur gangi upp þurfum við að reka heildstæða stefnu, öllum landsmönnum til hagsbóta. Ríkið þarf að skapa aðstæður til framleiðslu og skammta aðgang að auðlindum til að landsframleiðslan sé næg fyrir alla landsmenn til að lifa sómasamlegu lífi. Í dag er staðan þannig að allar aðstæður eru hinar bestu. Það er nóg til.
Á fjögurra ára fresti kjósum við og þegar atkvæðin hafa verið talin er mynduð ríkisstjórn sem hefur það verkefni með höndum að sjá til þess að þessum gæðum, þ.e. arðinum af landsframleiðslunni, sé skipt með sanngjörnum hætti. Öll tæki og tól eru til staðar. Hlutverk ríkisstjórnarinnar á að vera að sækja fjármagn þar sem ofgnótt er og færa til þeirra sem líða skort.
Hvernig hefur þetta gengið undanfarna áratugi?
Þróun skattbyrði undanfarin 25 ár hefur verið með þeim hætti að skattaálögur hafa verið fluttar frá þeim sem mest hafa til þeirra sem berjast í bökkum. Til dæmis hefur skattbyrði á almennt verkafólk hækkað úr 21,3% í 25,2%, eða um 18,3%. Skattbyrði á eldri borgara hefur hækkað úr 9,5% í 21,3%, eða um 124%. Á meðan þetta er skattbyrði á hátekjuhópa lækkuð úr 35% í 26 eða um 34,6% og veiðigjöld hafa lækkað um 65%.
Hvert stefnum við?
Ef við höldum áfram að kjósa sama fólk til að stjórna landinu okkar og gæta okkar hagsmuna hlýtur að vera rökrétt að áætla að áfram verði rekin sama stefna. Við skulum reikna hvað gerist þá næstu 25 árin.
Með sama áframhaldi verður staðan þannig að frá árinu 1995 til ársins 2045 mun skattbyrði á almennt verkafólk hafa hækkað úr 21,3% í 29,1%, eða um 36,6%. Skattbyrði á eldri borgara mun hafa hækkað úr 9,5% í 33,1%, eða um 248,4%. Á meðan þetta hefur gerst mun skattbyrði á hátekjuhópa hafa lækkað úr 35% í 17% eða um 51,43% og veiðigjöld verða væntanlega úr sögunni.
Sé þetta sú framtíð sem fólkið í landinu vill getur það valið sér hana með því að kjósa alveg eins og síðast.
Vilji fólkið í landinu að Ísland sé fyrir fólkið í landinu er bráðnauðsynlegt að á því verði breyting.
Svo einfalt er það.
Stefna sósíalista
Stefna sósíalista er að Ísland verði fyrir alla landsmenn. Með réttri stjórnun getum við útrýmt fátækt og rekið þjóðfélag sem við getum öll verið stolt af. Það er nefnilega feikinóg til. Nú er kominn tími til að skipta kökunni með sanngjarnari hætti.
Setjum X við J og kjósum betra samfélag!
Bergvin Eyþórsson
Höfundur er félagi í Sósíalistaflokki Íslands og er á framboðslista flokksins í NV kjördæmi.
Fleiri fréttir
-
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.