Franski fjárfestingasjóðurinn Vauban Infrastructure Partners kaupir meirahlutaeign í íslenska gagnavers-félaginu Borealis Data Center
Franski fjárfestingarsjóðurinn Vauban Infrastructure Partners hefur keypt meirihlutaeign í íslenska félaginu Borealis Data Center sem áður hét Etix Everywhere Borealis. Björn Brynjúlfsson, forstjóri og einn af stofnendum Borealis Data Center, heldur hlut í félaginu og engar breytingar verða gerðar á starfseminni.
Samkvæmt fréttatilkynningu frá félaginu rekur Borealis Data Center tvö gagnaver hér á landi; á Blönduósi og á Fitjum í Reykjanesbæ og leggur áherslu á rekstur sjálfbærra gagnavera.
Sam Zhang, nýr stjórnarformaður Borealis Data Center.
Í tilkynningunni segir að hagkvæmt loftslag, aðgengi að grænni orku og öruggum innviðum geri Borealis Data Center kleift að veita sjálfbæra gagnaversþjónustu. Viðskiptavinir gagnaversins eru fyrst og fremst erlend fyrirtæki sem horfa í auknum mæli til þess að lágmarka kolefnisfótspor af starfsemi sinni. Slík markmið falla vel að aðstæðum hér á landi þar sem samkeppnisforskotið byggir á öruggri staðsetningu, grænni orku, afhendingaröryggi og kalda loftinu sem hentar vel til kælingar á tölvubúnaði.
Nú þegar er hafin stækkun á gagnaverinu á Blönduósi en vinna stendur yfir við að reisa nýja byggingu sem mun auka við afkastagetu félagsins. Áætlanir félagsins gera ráð fyrir frekari stækkun gagnaversins á Blönduósi á komandi árum.
Vauban Infrastructure Partners er langtíma fjárfestingasjóður með áherslu á fjárfestingar í innviðum með skýra sýn í sjálfbærni. Félagið er með aðsetur í París og hjá þeim starfa um 50 sérfræðingar með áratuga reynslu í innviðafjárfestingum. Kaupin á Borealis gagnaverinu styrkir stöðu Vauban í stafrænum innviðum sem og á Norðurlöndunum þar sem félagið hefur nú þegar fjárfest í félögum í Noregi og Finnlandi.
Björn Brynjúlfsson, einn af stofnendum og
forstjóri Borealis Data Center.
Sam Zhang, fjárfestingarstjóri og einn af eigendum hjá Vauban Infrastructure Partners og nýr stjórnarformaður Borealis Data Center, segir kaupin auka enn frekar viðveru Vauban á Norðurlöndunum og veiti fyrirtækinu tækifæri á að bæta við sérþekkingu sína á stafrænum innviðum. „Við höfum mikla trú á ómissandi hlutverki gagnavera og nauðsyn þess að koma fram með sjálfbærar lausnir á meðan gagnanotkun heldur áfram að vaxa í heiminum,“ segir hann.
„Við hjá Borealis erum stolt af þessum nýja kafla hjá félaginu enda er langtíma fjárfestingarstefna Vauban og áhersla á sjálfbærni í takt við okkar eigin sýn. Kaup Vauban á félaginu gefa okkur byr undir báða vængi og sýnir sterkt hversu mikill árangur félagsins hefur verið á síðustu árum,“ segir Björn Brynjúlfsson, einn af stofnendum og forstjóri Borealis Data Center.
Fleiri fréttir
-
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.