Fræðslufundir fyrir eldri borgara um svik á netinu
Lögreglan á Norðurlandi vestra stendur fyrir fræðslu víðsvegar í umdæminu þessa vikuna sem ætluð er fyrir eldri borgara og fjalla um svik á netinu. Sýnd verða dæmi af svikum og bent á leiðir til lausna. Það er Blönduósingurinn Ásdís Ýr Arnardóttir, sérfræðingur hjá embættinu, sem stýrir fræðslunni en fyrsti fræðslufundurinn verður í grunnskólanum á Hofsósi í dag og hefst kl. 13:00.
„Rannsóknir sýna okkur að eldri borgarar og fólk í viðkvæmri stöðu er mun líklegra en aðrir fyrir því að verða fyrir svikum á netinu. Það eru ekki vísbendingar um að íbúar á Norðurlandi vestra séu þar líklegri en aðrir en lögreglustjórinn á Norðurlandi vestra leggur ríkari áherslu á afbrotavarnahlutverk lögreglunnar en áður hefur þekkst hér í embættinu, fræðsla fyrir eldri borgara er hluti af þeirri vegferð,“ segir Ásdís Ýr.
Hún segir að fræðsluröðin sé öllum opin þó hún sér sérstaklega hugsuð fyrir eldri borgara. „Við höfum fengið fjölmargar fyrirspurnir hvort að aðrir hópar séu velkomnir og að sjálfsögðu hvetjum við alla til að mæta sem telja sig þurfa fræðslu.“
Ásdís Ýr mun stýra fræðslunni en hún starfar sem sérfræðingur í afbrotavörnum og samfélagslöggæslu hjá Lögreglunni á Norðurlandi vestra. „Á hverjum stað munu fylgja mér lögreglumenn og konur sem starfa í umdæminu ásamt því að mér barst liðsauki frá einum viðskiptabankanna sem mun segja frá viðbrögðum bankakerfisins,“ enfræðslan er skipulögð í samstarfi við félög eldri borgara í embættinu.
„Ég mun sýna fólki raunveruleg dæmi af tilraunum til svika, og segja þeim frá öðrum en annars geri ég ráð fyrir því að hver og einn hópur stýri umræðunni þar sem þarfir hvers og eins eru ólíkar,“ segir Ásdís Ýr að lokum en hún gerir ráð fyrir því að hver kynning sé um það bil klukkustund.
Sem fyrr segir verður fyrsti fræðslufundurinn á Hofsósi í dag en síðan verður fundur í Félagsheimilinu á Blönduósi þriðjudaginn 12. desember klukkan 14:30, í Höfðaskóla á Skagaströnd klukkan 16:30 og í safnaðarheimilinu á Hvammstanga miðvikudaginn 13. desember klukkan 13. Síðustu fundirnir verða í Skagafirði á fimmtudag, sá fyrri á Löngumýri kl. 13:00 og loks í Árskóla á Sauðárkróki kl. 16:00.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.