Flugeldasýningar víða á Norðurlandi vestra
Það eru bara nokkrir tímar eftir af árinu 2021 en að þessu sinni mun gamla árið víðast hvar verða sprengt í loft upp með flugeldasýningum. Á Blönduósi verður þó kveikt í brennu en hún verður minni í sniðum en undanfarin ár og ekki ætlast til að fólk sæki þann viðburð.
Samkvæmt upplýsingum Feykis munu Björgunarsveitin Skagfirðingasveit og Skátafélagið Eilífsbúar, Björgunarsveitin Grettir og Flugbjörgunarsveitin í Varmahlíð standa fyrir flugeldasýningum í Skagafirði á gamlársdag.
Sýningarnar verða sem hér segir:
Sauðárkrókur – Skotið ofan af Nöfum kl. 21:00
Hofsós – Flugeldasýning kl. 17:30
Varmahlíð – Sýning fyrir neðan Varmahlíð kl. 17:15
Hægt verður að sjá sýningarnar úr góðri fjarlægð og brýnt er að hafa í huga þau tilmæli að forðast hópamyndanir.
Á Hvammstanga verður ekki kveikt í brennu á gamlaárskvöld vegna samkomutakmarkana en Björgunarsveitin Húnar verða með sína árlegu flugeldasýningu á Hvammstanga á gamlárskvöld kl 21:00.Sýningin er í boði einstaklinga og fyrirtækja á svæðinu.
Fram kemur á heimasíðu Húnaþings vestra að skotið verður upp af norðurgarði Hvammstangahafnar og er mælst til að áhorfendur hópist ekki saman niður við höfn vegna veirufaraldursins heldur haldi sig með sínu fólki vítt og breytt um svæðið. Athygli er vakin á því að flugeldasýningin á Hvammstanga verður í beinni útsendingu á facebooksíðu Björgunarsveitarinnar Húna.
Ekki verður brenna á Skagaströnd en flugeldasýning hefst þar kl. 21:30 í kvöld.
Á Blönduósi verður sýning kl. 20:45 og þar verður einnig brenna á Miðholtinu og kveikt verður í henni kl. 20:00. Hún verður með öðru sniði en venjulega, lokað verður fyrir almenning á Miðholtið og brennan minni en síðustu ár.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.