Fleiri kosningaeinvígi takk! :: Leiðari Feykis
Jæja, nú er loksins búið að velja framlag Íslands í Söngvakeppni Evrópu, Eurovision, sem fram fer í Tórínó á Ítalíu um miðjan maí. Eins og allir, og amma hans, vita kepptu fimm lög á úrslitakvöldi söngvakeppni Sjónvarpsins sl. laugardagskvöld en tvö stigahæstu úr fyrri kosningu komust í úrslitaeinvígið. Lagið Með hækkandi sól í flutningi systranna Sigríðar, Elísabetar og Elínar Eyþórsdætra, fékk flest atkvæði kjósenda en Reykjavíkurdætur enduðu í öðru sæti keppninnar með lagið Turn this around.
Margir urðu hissa á úrslitunum þar sem flestir sem létu í sér heyra í miðlum landsins, og höfðu kannski hvað hæst, höfðu spáð Reykjavíkurdætrum sigri. Það höfðu helstu veðbankar gert líka. Þessi væntingauppátroðsla hafði einnig áhrif á sigurvegarana sem ætluðu ekki að trúa því að þær hefðu unnið. Létu meira að segja hafa eftir sér að þær hefðu haldið með Reykjavíkurdætrum. Ég er svo sem ekki saklaus sjálfur þar sem ég kaus Eyþórsdæturnar en bjóst við sigri hinna.
„Nei, við bara vorum vissar um að Reykjavíkurdætur myndu vinna. Við vonuðumst alveg til að vinna, það er ekki það, að við séum ekki ánægðar með að vinna. Það kom okkur bara svo á óvart og við erum svo þakklátar fyrir það að þjóðin treysti okkur til að fara út,“ sögðu þær í viðtali við RÚV.
Svo römm var undrun þeirra sem kusu Reykjavíkurdætur að ýjað var að því að aðstandendur keppninnar hefðu hagrætt kosningunum eða kerfið ekki virkað sem skyldi. Í gær var það svo opinberað hvernig framvinda kosninganna hafði verið en samkvæmt tilkynningu frá RÚV höfðu Reykjavíkurdætur verið með forystu eftir fyrri hluta keppninnar en aftur á móti höfðu þær Elín, Sigga og Beta haft yfirburði í símakosningunni í einvíginu sem tryggði þeim farmiðann á keppnina stóru.
Ýmsir hafa velt þessu kosningafyrirkomulagi fyrir sér og misjafnt hvað fólki finnst. En að mínu mati er þarna komin besta kosningin sem er einnig sú lýðræðislegasta og mætti nota víðar. Hugsið ykkur t.d. forsetakosningar, líkt og þær sem fóru fram árið 2014 þar sem alls voru níu frambjóðendur í framboði. Þá var Guðni Th. Jóhannesson kosinn forseti en einungis með 39,1% atkvæða. Þá hefði verið fínt að fá að kjósa á milli tveggja efstu og fá afgerandi niðurstöðu en Halla Tómasdóttir hafði fengið 27,9%.
Ég hef ekkert út á Guðna að setja en örugglega hefði verið betra fyrir hann að fá yfir helming atkvæða í þetta stóra embætti líkt og gerðist árið 2020 þar sem hann hlaut 92,2% greiddra atvæða.
Góðar stundir!
Páll Friðriksson
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.