Fækkun veiðidaga á grásleppunni
AFLATÖLUR | Dagana 18. apríl til 24. apríl 2021 á Norðurlandi vestra
Nú eru þrjár vikur síðan fyrsti báturinn skráði sig inn á grásleppuveiðarnar hér á Norðurlandi vestra og eins og áður hefur komið fram er mjög góð veiði en verðið ekki til að hrópa húrra fyrir en þrátt fyrir það eru nú átján bátar á veiðum.
Í fyrstu var gefið út leyfi til að stunda hrognkelsaveiðar í 40 daga samfleytt eftir að bátur skráði sig inn en nú hefur Atvinnuvega og nýsköpunarráðuneytið gefið út þá reglugerð að veiði- dögum fækki niður í 35 daga. Þessar fréttir koma ekki á óvart miðað við þá mokveiði sem hefur verið og áttu margir von á að veiðin yrði stöðvuð.
Aflahæsti bátur vikunnar á Norðurlandi vestra er Dagrún HU 121 með alls 22.562 kg en ef teknar eru allar þrjár vikurnar saman þá er Dagrún HU 121 einnig með vinninginn eða alls 35.175 kg.
Annars er það að frétta úr öðrum aflafréttum að Málmey SK 1 landaði tæpum 112 tonnum á Króknum en alls var þar landað 279.996 kg og þar af 62.792 kg af grásleppu. Á Skagaströnd var það Dagrún HU 121 sem var aflahæst með 22.562 kg en alls var landað rúmum 137 tonnum. Enginn bátur landaði á Hvammstanga þessa vikuna en einn bátur landaði á Hofsósi, Þorgrímur SK 27, alls 9300 kg. Heildarafli á Norðurlandi vestra var 726.778 kg í síðustu viku og af því var alls 191.045 kg af grásleppu.
Á heimasíðu FISK.IS má lesa um þegar Drangey SK 2 kom til hafnar í síðustu viku á Sauðárkróki. Uppistaða aflans var þorskur og hafði FISK.IS samband við Ágúst Ómarsson skipstjóra og spurði um túrinn. „Veiðiferðin tók sex daga. Við leituðum víða, fórum vestur Þverál, síðan Reykjafjarðarál, þaðan á Sléttugrunn og enduðum á Rifsbanka. Veiðarnar hafa verið rólegar, hafísinn gerði okkur erfitt fyrir á Vestfjarðamiðum. Veðrið hefur verið fínt þessa dagana,“ sagði Ágúst.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.