Ég gef kost á mér í 1. til 2. sæti á lista Samfylkingarinnar í Norð-vestur kjördæmi fyrir komandi Alþingiskosningar í haust.

Ég heiti Gylfi Þór Gíslason f. 8. Apríl 1963 í Reykjavík. Ég er lögregluvarðstjóri hjá lögreglunni á Vestfjöðum. Foreldrar: Gísli Jón Ólafsson, f. 1931 d. 2000 frá Ísafirði og Margrét Berndsen, f. 1927 d. 1986 frá Reykjavík. Ég hef búið á Ísafirð frá 1997. Kona mín heitir Sóley Veturliðadóttir og er dóttir Sveinfríðar Hávarðardóttur frá Bolungarvík og Veturliða G. Veturliðasonar frá Ísafirði. Við Sóley eigum tvö börn, Veturliða Snæ f. 1998 og Margréti Ingu f. 2001. Fyrir átti ég dótturina Elsu Rut f. 1989.

Ég gekk til liðs við Alþýðuflokkinn 1978 og frá þeim tíma hef ég tekið þátt í flestum kosningum. Ég sat í stjórn ungra jafnaðarmabnna í 10 ár og í flokkstjórn Alþýðuflokksins í 8 ár.

Ég bíð mig fram núna fyrir komandi Alþingis kosningar af því ég hef alla tíð brunnið fyrir áhuga á stjórnmálum og vil hafa áhrif á gang mála. Eins tek ég undir klisjuna sem er svo mikið notuð nú í dag að lífið er núna.

Það sem ég bý í Ísafjarðarbæ og hef búið þar frá 1997, brennur áhugi minn fyrir betri kjörum á landsbyggðinni.
En á Vestfjörðum er gott að búa, en við sitjum ekki við sama borð í mörgum málum. Má þar nefna sem dæmi í orkumálum. Það var hægt að jafna símkostnað í landinu á einni nóttu í lok síðustu aldar. Ég tel að sé hægt að lækka orkukostnað, hann er ekki náttúrulögmál heldur mannanna verk.

Vestfirðingar búa við skammarlegar aðstæður í samgöngumálum.

Það á að hækka auðlindgjaldið strax á stærri útgerðir. En til frambúðar þarf að gera breytingar á kerfinu. Það er í stórum dráttum að bjóða út leigukvóta og öllum fiski skuli landað á fiskmarkað.

Það þarf að efla lögregluna í landinu, m.a. það þarf að fjölga lögreglumönnum og veita meira fjármagn í aðbúnað til lögreglu. Eins þarf að bæta starfsaðstæður lögreglu er kemur að úrræðum mála.

Það þarf að efla eftirlitsstofnanir í landinu, en á undan förnum árum hefur ýmsu eftirliti verið ábótavant. Eins og kom fram í hruninu Það þarf að endrureisa þjóðhagsstofnun sem dæmi. 
Ég vil ekki sjá að afglæpavæða fíkniefnaneyslu í landinu. En það þarf að gera breytingar í þeim málum en ekki með afglæpavæðingu.
Ég vil að Sjálfstæðisflokknum verði gefið frí frá ríkisstjórn eftir næstu kosningar og næstu 2 -3 kjörtímabilin.
Svo eitthvað sé nefnt, en að mörgu er að taka er kemur að stjórn landsmála.

Nám
Fjölbrautarskólinn við Ármúla, viðskiptabraut 1980-1984
Tækniskóli Íslands, Iðnrekstrarfræði, markaðssvið 1988 – 1990
Lögregluskóli ríkisins 1997 – 1999

Helstu félagsstörf
Formaður lögreglufélags Vestfjarða 2008-2019
Sat í stjórn Landssambands lögreglumanna 20010-2018
Í stjórn íþróttafélagsins Ívars (íþróttafélag fatlaðra á Norðanverðum Vestfjörðum), frá 2002-11
Í stjórn HSV (Héraðssambands Vestfirðinga), frá 2007-2011.
Fulltrúi Í – listans Ísafjarðarbæ í fræðslunefnd, frá 2006-2010.
Í stjórnum ungra jafnaðarmanna frá 1982-1992
Sat í flokkstjórn Alþýðuflokksins í 8 ár
Formaður Æskulýðssamband Íslands 1992-1997
Var virkur félagi í Junior Chamber 1995-2002