Allir með Feyki á Blönduósi
Í nýjum Feyki vikunnar er aðalefnið tileinkað Blönduósi en miklar framkvæmdir hafa farið fram við kirkjugarð bæjarins. Óli Arnar hafði samband við Valdimar Guðmannsson, formann stjórnar kirkjugarðs Blönduóskirkju, og forvitnaðist um framkvæmdir.
Annar Blönduósingur var tekinn tali en Brynjar Þór Guðmundsson, stofnaði bakaríið Húnakaffi í sumar og segir hann frá tilurð þess.
Listaverk þeirra Sverris Bergmanns og Pálma Jónssonar sem prýtt hefur vegg Fisk Seafood hvarf er húsnæði fyrirtækisins var málað í sumar. Sigga Garðars skoðar málið með drengjunum síungu.
Áskorendapenninn er að þessu sinni í höndum Péturs Björnssonar á Sauðárkróki en hann segir frá skemmtilegu atviki sem átti sér stað fyrir nokkrum árum í lögreglunni er þrjótur einn var gómaður og fékk að kenna á mjúkum armi réttvísinnar.
Nýliðar sumarsins í golfinu í Skagafirði, Díana og Dúfa, eru kynntar og Sigríður Ólafsdóttir í Víðidalstungu gefur lesendum innsýn í eldamennsku fyrir göngur og réttir. Byggðasafn Skagfirðinga er með fróðlegan pistil um starfsemi sumarsins og þar segir einnig frá sameiginlegu tákni safnanna í Skagafirði, Byggða-, Héraðsbóka-, Héraðsskja- og Listasafni Skagfirðinga.
Stólastúlkur hafa heldur betur gert garðinn frægan með árangri sínum á fótboltavellinum í sumar en eins og allir ættu að vita náðu þær þeim sögulega árangri að komast upp í efstu deild Íslandsmótsins í knattspyrnu. Fyrir liðinu hefur farið hin skelegga varnamaskína Bryndís Rut Haraldsdóttir og er hún tekin tali.
Fastir liðir eru á sínum stað eins og fréttir, leiðari, aflafréttir, íþróttir, afþreying og spurning vikunnar ásamt krossgátu og Rúnar Kristjáns kveður um Covid og jafnvel má telja fleira upp en í lokin má svo fræðast um barnshvarfið í Hornbrekku á Höfðaströnd er Guðmundur Bjarnason týndist, sex ára tökudrengur.
Því má svo bæta við að Feyki er dreift inn á öll heimili á Blönduósi að þessu sinni, að sjálfsögðu í þeirri von að einhverjir láti til leiðast að gera áskrifendur. HÉR er hægt að skoða það.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.