Af kynbótum :: Áskorandapenninn Ármann Pétursson Neðri-Torfustöðum í Húnaþingi vestra
Ég vil byrja á því að þakka Elísabetu fyrir þessa brýningu á mikilvægi þess að velja barninu nafn sem er til þess fallið að dóttir bóndans hinum megin við ána geti loks varpað öndinni léttar.
Hreint út sagt þá veit ég þó alls ekkert hvað barnið á að heita. Þó hafa nöfn eins og Smyrill, Valur, Lómur og Skúmur leitað á hugann undanfarið. Ekki vegna þess að mér sé í mun að valda fjaðrafoki á mínu heimili eða að láta hana Elísabetu standa á öndinni, en af einhverjum ástæðum, sem mér eru ókunnar, virðast byggyrki úr smiðju Jónatans Hermannssonar ekki fá önnur nöfn en fuglsnöfn.
En nóg um það, á meðan yrkin heita ekki gæs eða álft kvarta ég ekki.
Bændur þekkja allir mikilvægi kynbóta og hafa þeir eldri séð umtalsverðan afrakstur ræktunarstarfs síðustu áratuga, bæði á búfé og nytjaplöntum. Aðferðirnar hafa verið fjölbreyttar, afurðamælingar, ómskoðanir, útlimamælingar o.s.frv. Öll þessi vinna hefur skilað auknum afurðum, betra sköpulagi og líklega fallegri gripum. Nú mega nautgriparæktendur líklega vænta einhverra mestu framfara sem orðið hafa í nautgriparækt hér á landi með innleiðingu erfðamengisúrvals. Það er nútímaleg og mjög skilvirk aðferð til kynbóta sem hefur sannað gildi sitt víða um heim.
Með það í huga hvað svo til einn maður hefur náð miklum framförum í kynbótum nytjaplantna með hefðbundnum aðferðum síðastliðna áratugi ættu bændur að velta fyrir sér hvaða árangri mætti ná ef blásið væri til stórsóknar í kynbótastarfi nytjaplantna. Það væri til að mynda bylting fyrir sveitirnar og landsmenn alla ef hægt væri að auka uppskeruöryggi í byggrækt sem og annarri kornrækt. Magn og gæði uppskeru gætu farið úr því að vera afleit í verstu árum og góð í þeim bestu í að vera viðunandi í verstu árum og frábær í þeim bestu.
Ég skora á Þorgrím Guðna Björnsson, íþróttafræðing að koma með pistil í Feyki.
Áður birst í 35. tbl. Feykis 2021
Fleiri fréttir
-
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.