Af hlýju sumri 2021 :: Hjalti Þórðarson skrifar
Hásumarið 2021 fer í einhverjar metabækur hvað varðar hlýindi og hafa íbúar á vestanverðu Norðurlandi ekki farið varhluta af þeim hlýindum. Sumarið skall á með látum 24. júní sl. eftir verulega svalan maí og stærstan hluta júnímánaðar. Snjór var þó almennt lítill frá vetrinum.
Vindáttir í sumar voru að jafnaði vestan við hásuður og nokkuð stífar á köflum og hefur það þurrkað land og töðu bænda á skömmum tíma. Horfir jafnvel til vandræða með vatnsbúskap á mörgum svæðum sem liggja fjarri fjöllum. Þrátt fyrir þurrt landið er þetta sannarlega gæðasumar sem fer í flokk með afbragðsgóðum sumrum og mörgum þeirra hlýjum t.a.m. árin 1933, 1939, 1957, 1976, 1984, 2003, 2004 og 2012. Þessi sumur voru vissulega misjöfn, sum hlý, sólrík og þurr en önnur hlý og blaut og vindar af ýmsum styrkleika og mest úr suðri.
Það er margt sem vekur athygli og þá ekki síst hár hiti á hálendinu (eftir 24. júní) og ekki óvarlegt að áætla að hiti á heiðarsvæðunum, Kjalarsvæðinu og norðan Hofsjökuls hafi verið 2,5 til 4 gráður yfir meðallagi júlí og ágúst sl. tíu ára. Hár næturhiti var langtímum saman og fraus t.a.m. aldrei á veðurstöðvunum Sátu og Hveravöllum í júlí og ágústmánuði og reyndar langt frá því.
Í byggð var meðalhitinn í sömu mánuðum sennilega víðast 2-3 gráður yfir meðallagi sl. tíu ára. Hæsti meðalhiti sem vitað er um á veðurathugunarstöð á Norðurlandi vestra, bæði í júlí og ágúst, mældist á Miðsitju. Brúsastaðir liggur þar skammt á eftir með báða mánuðina yfir 13 gráðu meðalhita. Ekki kuldalegt það. Til samanburðar var meðalhitinn á Akureyri 14,3 gráður í júlí og 14,2 gráður í ágúst (hæstu mælingar á veðurstöð á Íslandi frá upphafi mælinga) og á Egilsstöðum 13,5 gráður í júlí og 12,6 gráður í ágúst. Ekki féllu hámarkshitamælingar á svæðinu í þessum mánuðum enda erfitt að keppa við verulega snarpar hitabylgjur fyrri ára eins og í júní 1934, í júlí 1934, í júlí 1991 og í ágúst 2004. Þó fór hitinn nú í sumar nokkrum sinnum yfir 25 stig og hæst í 26,0 og 25,9 gráður (Miðsitja og Brúsastaðir, varla marktækur munur) sem er svosem ágætur hiti og auðvelt að vera á stuttbuxum utandyra við slíkar aðstæður.
Hjalti Þórðarson
Fleiri fréttir
-
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.