20 milljóna framlag í Umhverfisakademíu að Húnavöllum
Ráðgjafarnefnd Jöfnunarsjóðs sveitarfélaganna hefur samþykkt 20 milljóna króna framlag vegna undirbúnings og stofnunar Umhverfisakademíu að Húnavöllum. Nefndin leggur til að 10 milljónir króna komi til greiðslu á þessu ári og 10 milljónir á því næsta. Samþykktin er gerð með fyrirvara um sameiningu sveitarfélaganna fjögurra í Austur-Húnavatnssýslu og jákvæðri umsögn menntamálaráðuneytisins um starfsemi skólans.
Kosið verður um sameiningu Blönduósbæjar, Sveitarfélagsins Skagastrandar, Skagabyggðar og Húnavatnshrepps á laugardaginn kemur, 5. júní. Í undirbúningi kosninganna kom fram sú hugmynd að koma á fót námi í umhverfisfræðum í héraðinu og byggir hún á því mati að það sé í raun engin skóli á Íslandi sem marki sér þá sérstöðu að vera umhverfisfræðsluskóli þótt víða sé hægt að finna greinar á sviði umhverfisfræða í námskrám háskólanna. Einnig var horft til þess að til staðar er góð aðstaða á Húnavöllum því húsnæði þar er orðið of stórt fyrir núverandi skólahald.
Sameiningarnefnd sveitarfélaganna fjögurra skipaði starfshóp þann 23. febrúar sl. til að meta hvort hugmyndin um Umhverfisakademíu væri fýsilegur kostur, skilgreina helstu áhrifaþætti og stilla upp hugmynd að formi og næstu skrefum ef ástæða þykir til áframhaldandi vinnu og skila því verkefni til sameiningarnefndar. Niðurstaða starfshópsins var sú að Umhverfisakademía þykir fýsilegur kostur og var lagt til að sveitarfélögin fjögur og ríkið myndu leggja til stofnframlag og tryggja rekstur skólans. Nú hefur fyrsta skrefið í þá átt verið tekið með framlagi úr Jöfnunarsjóði.
Sem fyrr segir verður kosið verður um sameiningu Blönduósbæjar, Sveitarfélagsins Skagastrandar, Skagabyggðar og Húnavatnshrepps á laugardaginn kemur, 5. júní. Alls eru 1.365 á kjörskrá, 657 konur og 708 karlar.
Allar nánari upplýsingar um sameininguna má finna á vefsíðunni hunvetningur.is.
RR ráðgjöf hefur stýrt sameiningarverkefninu og leiddi vinnu við greiningar.
Nánari upplýsingar veitir Magnús B. Jónsson,
formaður starfshóps um Umhverfisakademíu að Húnavöllum, í síma 899-4719.
/Fréttatilkynning
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.