Húnaþing vestra í 25 ár
Þann 10. júní sl. voru liðin 25 ár frá stofnun Húnaþings vestra. Í tilefni af því fór fram sérstakur hátíðarfundur sveitarstjórnar í Félagsheimilinu á Hvammstanga þann 8. júlí.
Fyrrum sveitarstjórnarfulltrúar og sveitarstjórar voru sérstaklega boðnir til fundar og þeim afhent gullmerki fyrir framlag sitt til sveitarfélagsins. Elín R. Líndal fékk sérstök verðlaun fyrir lengstu setu í sveitarstjórn Húnaþings vestra en hún var fyrsti oddviti sveitarfélagsins og sat samfellt í fimm kjörtímabil, frá 1998 til 2018.
Í frétt um hátíðarfundinn á heimasíðu Húnaþings vestra er íbúum sveitarfélagsins einnig færðar sérstakar þakkir.
„Sveitarfélag er ekkert ef engir eru íbúarnir. Það er því full ástæða til að þakka þeim sömuleiðis fyrir þeirra framlag. Nýverið var haldinn fundur í Félagsheimilinu á Hvammstanga þar sem kynnt var á góðri útkomu Húnaþings vestra í íbúakönnunum samanborið við nágrannasveitarfélögin. Munurinn er slíkur að hann þykir rannsóknarefni. Ekkert eitt skýrir að mati rannsakenda þá niðurstöður en ljóst að hér býr fólk sem lætur sig samfélagið varða og er tilbúið til að leggja ýmislegt á sig í þágu þess. Mjög líklega leikur sameining sveitarfélaganna árið 1998 hlutverk í þessari jákvæðu niðurstöðu. Það þurfti kjark og þor þeirra sem stóðu í stefni þegar sameiningin fór fram. Við búum klárlega að þeirra framsýni.“
Á fundinum var flutt tónlistaratriði af þeim Valdimari Gunnlaussyni og systrunum Örnu Ísabellu og Steinunni Daníelu Jóhannesdætrum. Kvenfélagsonur buðu síðan upp á kaffi veitingar að fundi loknum.
Fimm fulltrúar úr fyrstu sveitarstjórn sameinaðs sveitarfélags voru viðstaddir hátíðarfundinn. Frá vinstri: Gunnar Sveinsson, Guðmundur Haukur Sigurðsson, Elín R. Líndal, Ólafur B. Óskarsson og Þorvaldur Böðvarsson. Á myndina vantar Ágúst Frímann Jakobsson og Þorstein Helgason. Mynd: Hunathing.is
/SMH
Fleiri fréttir
-
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.