Birgitta og Elísa Bríet í U17 hópnum
Snillingarnir okkar, Elísa Bríet Björnsdóttir og Birgitta Rún Finnbogadóttir frá Skagaströnd, hafa verið valdar í 20 leikmanna hóp U17 kvenna fyrir undankeppni EM 2025. Þetta er um margt afar merkilegt því þessir kornungu leikmenn meistaraflokks Tindastóls eru einu stúlkurnar af Norðurlandi sem eru í hópnum.
Það verður varla annað sagt en að þær eigi þetta skilið, hafa báðar byrjað alla leiki Tindastóls í Bestu deildinni sem þær hafa átt kost á að spila. Og staðið sig frábærlega.
Það er Þórður Þórðarson landsliðsþjálfari U17 kvenna sem valdi hópinn fyrir fyrstu umferð undankeppni EM 2025 en Ísland er þar í riðli með Norður Írlandi, Póllandi og Skotlandi. Leikið verður í Skotlandi dagana 1.-7. október.
„Ísland er í A deild undankeppninnar, en liðið sem endar í neðsta sæti riðilsins fellur í B deild fyrir aðra umferð undankeppninnar í vor. Þau sjö lið sem vinna svo riðlana sína í A deild í seinni umferð undankeppninnar fara áfram í lokakeppnina sem verður haldin í Færeyjum 4.-17. maí 2025,“ segir á vef KSÍ.
Hversu geggjað er þetta ævintýri vinkvennanna frá Skagaströnd eiginlega? Svo má auðvitað geta þess í framhjáhlaupi að fyrirliði íslenska landsliðsins og Bayer Munchen er líka ættuð frá Skagaströnd, Glódís Perla Viggósdóttir, sem var á dögunum valin í hóp þeirra 30 leikmanna sem hafa þótt skara framúr í kvennaboltanum.
Sjá má U17 hópinn sem valinn var hér >
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.