Ég myndi vilja fara á Bítlana / EINAR JÓNS
Einar Örn Jónsson (1975) ólst upp á Blönduósi en býr nú í Reykjavík. Hljóðfæri Einars eru píanó eða hljómborð en það að vera þátttakandi í Í svörtum fötum ævintýrinu segir hann kannski ekki hafa verið afrek en það hafi verið ótrúlega skemmtileg upplifun.
„Ég hef líka verið svo heppinn að fá að spila með mörgum af bestu tónlistarmönnum landsins. En stoltastur verður maður af að heyra lögin sín í útvarpinu. Ætli Jólin eru að koma sé ekki mesta afrekið!“
Uppáhalds tónlistartímabil? Ég er hrifnastur af tímabilinu 1965 – 1980. Þarna kemur poppið í allri sinni dýrð. Bítlarnir, ELO, ABBA, Queen, Elton John, Billy Joel, Hljómar, Trúbrot, Bo, Stuðmenn o.s.frv.
Hvaða tónlist fær þig til að sperra eyrun þessa dagana? Mér finnst alltaf gaman að heyra nýja íslenska tónlist – sérstaklega þegar hún er flutt á móðurmálinu. Amabadama, DJ flugvél og geimskip og Ylja koma upp í hugann. Stelpurnar eru að koma sterkar inn.
Hvers konar tónlist var hlustað á á þínu heimili? Við áttum ekki plötuspilara og hlustuðum mest á útvarpið, gömlu Gufuna þangað til Rás 2 fór að nást á Blönduósi. En ég setti mjög gjarnan annað hvort bláu eða rauðu spóluna með Bítlunum í tækið, stillti upp eldhúskollum og trommaði með á þá með skeiðum.
Hver var fyrsta platan/diskurinn/kasettan/niðurhalið sem þú keyptir þér? Ég hef aldrei verið mikill plötusafnari. Mig minnir að það hafi verið „Milljón á mann“ með Páli Óskari og Milljónamæringunum árið 1994. Keypt í einhverju flippi í Fríhöfninni eftir afar hressandi útskriftarferð verðandi MA stúdenta.
Hvaða græjur varstu þá með? Ætli ég hafi ekki bara átt ferðageislaspilara ... en Tryggvi meðleigjandi minn átti flottar græjur þar sem Blackhole Sun með Soundgarden var blastað allan veturinn.
Hvað syngur þú helst í sturtunni? Ég tóna eins og prestur einhverja vitleysu og hlusta á reverbið.
Hvaða lag getur eyðilagt fyrir þér daginn? Það þarf nú líklega meira en eitthvað lag til að koma mér úr jafnvægi.
Uppáhalds Júróvisjónlagið? Ég gæti sagt Gente di mare og Nína en stundum fá lög sem mér finnst mjög góð minni athygli eins og I‘m not afraid to move on (Noregur 2003) og Aldrei segja aldrei (2012)
Þú heldur dúndurpartí í kvöld, hvað læturðu hljóma í græjunum til að koma öllum í stuð? Queen live á Wembley 1986.
Þú vaknar í rólegheitum á sunnudagsmorgni, hvað viltu helst heyra? Eyrun eru venjulega dálítið þreytt á sunnudagsmorgnum eftir gigg kvöldið áður þannig að það verður að vera eitthvað þægilegt – kannski eitthvað gott með Joseph Haydn.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég myndi vilja fara á Bítlana í Royal Albert Hall og taka alla sem ég þekki með mér. Kannski ekki raunsætt en góður draumur.
Hvaða tónlistarmann hefur þig dreymt um að vera? Það væri gaman að vera hljómborðsleikari Alice Cooper því hann er svo mikill golfari. Ferðast um heiminn, spila golf á daginn og gigg á kvöldin. Gæti verið verra.
Hver er að þínu mati besta plata sem gefin hefur verið út? Það myndi vera Sgt. Peppers með Bítlunum.
Sex vinsælustu lögin á Playlistanum þínum? (lag/flytjandi)
More than a feeling – Boston
All about that bass – Meghan Trainor
Gaia – Amabadama
Lady lady lady - Joe Esposito
Ávanabindandi – Ingó og Veðurguðirnir (óútkomið)
Himinn og jörð – Gunnar Þórðar/Björgin Halldórs
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.