Viltu vinna miða á heiðurstónleika Helenu Eyjólfs?
Tónleikar til heiðurs einnar ástsælustu söngkonu þjóðarinnar, Helenu Eyjólfsdóttur, verða haldnir föstudaginn 21. október í Hofi á Akureyri og laugardaginn 29. október í Salnum Kópavogi. Heppnir lesendur Feykis geta unnið miða.
Eins og Feykir greindi frá fyrir skömmu ætlar Króksarinn brottflutti, Hulda Jónasar, að halda tvenna tónleika til heiðurs Helenu Eyjólfs sem staðið hefur á sviðinu áratugum saman og eignað sér stað í hjarta sérhvers Íslendings með ógleymanlegum dægurlagaperlum.
„Á tónleikunum ætlum við að rekja feril Helenu bæði í tali og tónum, rifja upp fallegu dægurlagaperlurnar og sögurnar á bak við þær. Valgerður Erlings og Helena sjálf verða á sviðinu allan tímann og spjalla á milli laga um ferilinn og sögurnar á bak við lögin. Hver man ekki eftir lögum eins og Manstu ekki vinur, María Ísabel, Ég tek hundinn, Vaggi þér aldan, Hoppsa bomm, Hvítu mávar og fleiri og fleiri,“ sagði Hulda í viðtali við Feyki fyrir skömmu.
Helena varð 80 ára á þessu ári og fannst Huldu tilvalið að skella í eina heiðurstónleika fyrir þessa dásamlegu söngkonu sem glatt hefur landsmenn með söng sínum í nærri 70 ár.
Feykir og Gná tónleikar skelltu í smá leik í tilefni þessa viðburðar en það gleymdist að setja tímamörk þegar viðtalið birtist og verður nú bætt úr því.
Tíu miðar eru í boði Gná tónleikar fyrir heppna lesendur Feykis og það eina sem þarf að gera er að senda póst á feykir@feykir.is eða bréfleiðis á Feykir Borgarflöt 1, 550 Sauðárkróki. Muna að setja nafn og heimilisfang sendanda og munu fimm heppin fá tvo miða hvert.
Pósturinn þarf að berast fyrir miðnætti næsta sunnudagskvöld 16. október.
Tengd frétt: Tónleikar til heiðurs Helenu Eyjólfs í Hofi og Salnum Kópavogi
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.