Tjaldað í Héðinsminni
Nemendur leiklistarvals á unglingastigi í Varmahlíðarskóla sýndu á dögunum leikritið Tjaldið eftir Hallgrím Helgason í félagsheimilinu Héðinsminni. Leikstjóri verksins er Íris Olga Lúðvíksdóttir, kennari við skólann. Sýningin var hluti af leiklistarverkefninu Þjóðleik sem Þjóðleikhúsið stendur fyrir og hóf göngu sína á Austurlandi fyrir tíu árum. Verkefnið er haldið annað hvert ár og hefur fyrir löngu breiðst út til annarra landshluta. Þetta er í fjórða sinn sem Varmahlíðarskóli tekur þátt í verkefninu.
Fyrirkomulagið er á þá vegu að annað hvert ár fær Þjóðleikhúsið þrjú íslensk leikskáld til að skrifa leikrit sem henta til uppsetningar fyrir ungt fólk og velja leikhóparnir á milli þeirra í samráði við leiðbeinanda sinn. Á vorin er svo haldin leiklistarhátíð í hverjum landshluta þar sem hóparnir koma saman. Að þessu sinni var hún haldin á Hólmavík en nemendur Varmahlíðarskóla áttu því miður ekki kost á að sækja hana.
Leikritin sem stóðu til boða að þessu sinni voru reyndar ekki alveg glæný þar sem sú leið var farin í haust að velja fjögur handrit úr hópi allra þeirra sem samin hafa verið á síðustu tíu árum. Þetta voru leikritin Tjaldið eftir Hallgrím Helgason, Eftir lífið eftir Sigtrygg Magnason, Dúkkulísa eftir Þórdísi Elvu Þorvaldsdóttur og Íris eftir Brynhildi Guðjónsdóttur og Ólaf Egil Egilsson.
Tjaldið fjallar um nokkra unglinga sem fara á útihátíð um verslunarmannahelgina og stendur vinahópurinn frammi fyrir því hörmulega atviki að einni
stúlkunni úr hópnum er nauðgað. Í framhaldi af því er velt upp fjölmörgum siðferðislegum spurningum, s.s. hvað nauðgun sé, hvort það sé rétt að kæra, hvort það skipti máli að annar gerandinn er einn vinsælasti strákurinn í hópnum, hvort maður eigi skilyrðislaust að standa við bakið á vinum sem framið hafi glæpi, hvort rétt sé að taka lögin í sínar hendur o.s.frv.
Leikritið var sett upp í sal litla félagsheimilisins í Héðinsminni og tjaldað í rökkri á salargólfinu. Var það vel til fundið þar sem með því móti skapaðist enn betri nánd við áhorfendur en annars hefði verið. Leikmyndin var einföld, aðeins tjaldið og hið dæmigerða rusl sem fylgir slíkum samkomum á víð og dreif. Krakkarnir fóru vel með hlutverk sín og komu textanum vel til skila sem, þrátt fyrir alvarleika málsins, var bráðfyndinn á köflum. Enginn vafi er á því að flestir hafa farið út af þessari sýningu með fjölmargar spurningar í farteskinu til að velta fyrir sér. Flott hjá ykkur krakkar!
Fleiri fréttir
-
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.