Þróttarar með allt á hornum sér
„Við vorum sterkari í þessum leik heldur en Þróttur. Báðir þjàlfarar voru sammála því að betra liðið tapaði í dag. Svoleiðis er það stundum. Mér finnst það því miður of oft hafa verið reyndin hjá okkur í sumar sérstaklega á heimavelli. Þróttarar eru samt klárlega góðar en mér finnst við bara betri en bara ólánsamari hreinlega.“ sagði Donni þjálfari Stólastúlkna að loknum leik Tindastóls og Þróttar í Bestu deild kvenna í gær. Gestirnir höfðu öll stigin á brott með sér en Þróttarar unnu leikinn 1-2 eftir að hafa lent undir.
Varnarleikur liðanna var góður í leiknum og gáfu fá færi á sér. Markalaust var í hálfleik en það dró til tíðinda á 64. mínútu þegar brotið var á Jordyn í vítateig gestanna. Dómarinn dæmdi víti og úr því skoraði Jordyn sjálf en þetta var tíunda mark hennar í Bestu deildinni og aðeins Sandra María sem hefur skorað fleiri mörk. Jordyn hafði komið Stólastúlkum yfir gegn Þrótti í fyrri leik liðanna í sumar en þær röndóttu svöruðu fyrir sig, unnu leikinn 4-2 og gerðu þá þrjú mörk úr föstum leikatriðum. Því miður endurtók sá leikur sig í gærkvöldi. Aðeins fjórum mínútum eftir að Stólastúlkur náðu forystunni jafnaði varnarjaxlinn Sóley María Steinarsdóttir eftir hornspyrnu og á 83. mínútu gerði María Eva Eyjólfsdóttir sigurmarkið eftir hornspyrnu. Þá nýttu gestirnir sér það vel að Bryndís Rut fyrirliði var utan vallar vegna höfuðmeiðsla og vörn Stólastúlkna vei fyrir vikið. Heimastúlkur reyndu að sækja jöfnunarmark en gestirnir gáfu engin færi á sér og því fór sem fór.
Þarf að laga bæði sókn og vörn
„Ég var að mestu sáttur við spilamennskuna heilt yfir,“ sagði Donni eftir leik, aðurður hvort hann hafi verið sáttur við leik Tindastóls og hvort liðið ætti meira inni. „Við sköpuðum margar góðar stöður í dag án þess þó endilega að skapa mörg dauðafæri. Stelpurnar gáfu allt í þetta og reyndu sitt besta og ég var mjög ánægður með framlagið heilt yfir. Við hefðum klárlega getað gert betur í þessum góðu stöðum og föstu leikatriðunum. Auk þess sem að venju gegn Þrótti að verjast föstum leikatriðum.“
Þróttarar hafa gert fimm mörk gegn okkur úr föstum leikatriðum í sumar. Eru þær svona snjallar eða við klaufar? „Ég get illa útskýrt þessi föstu leikatriði gegn Þrótti, því miður. Þær eru vissulega góðar þar en við eigum að geta gert betur í báðum þessum atriðum. Gerðum vel þar í fyrri hálfleik og vorum glöð með okkur. En því miður klikkaði dekkningin í fyrra markinu og svo í seinna erum við einum færri inná því Bryndîs var í aðhlynningu vegna höfuðhöggs og boltinn datt auðvitað akkúrat á lausan leikmann í skotfæri. “
Úrslitin hafa ekki fallið með okkur að undanförnu. Hvað þarf að koma til svo sigrar fari að detta í hús á ný? „Við þurfum að koma okkur oftar í hættulegri færi, koma boltanum oftar inn í vítateig andstæðingana og vera skarpari og ákveðnari þar. Auk þess verður varnarleikurinn að vera betri heilt yfir bæði í föstum leikatriðum og opnum leik. Við erum buin að fá alltof mörg mörk á okkur og þar þarf að byrja að stoppa í betur. Þetta smellur hjá okkur, ég hef fulla trú á liðinu,“ sagði Donni, alltaf jákvæður og bjartsýnn.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.