Þrjú fjós í byggingu og eitt á teikniborðinu
Það hlýtur að teljast til tíðinda og ekki árlegur viðburður að byggingaverktakar í Skagafirði standi í ströngu við að byggja ekki eitt heldur þrjú fjós og það fjórða er á teikniborðinu. Fyrst ber að nefna 1000 m2 fjós á bænum Ytri Hofdölum í Viðvíkursveit, 843 m2 fjós í Flugumýrarhvammi í Blönduhlíð og að lokum 1100 m2 viðbygging við fjósið sem fyrir er á Gili í Skarðshreppi hinum forna.
Á Ytri Hofdölum eru það systkinin Þórdís og Þórarinn Már Halldórsbörn sem hafa tekið við búskapnum af foreldrum sínum og gamla fjósið komið á tíma. Staðan orðin þannig að ef halda ætti áfram mjólkurframleiðslu þyrfti að byggja nýtt fjós. Það sama er uppi á teningnum í Flugumýrarhvammi en þar eru það systurnar Þórunn og Jórunn Rögnvaldsdætur sem stunda búskapinn með föður sínum Rögnvaldi Ólafssyni. Tími er kominn á nýtt fjós þar sem lausaganga kúa er komin í reglugerð og hefðbundu gömlu básafjósin heyra brátt sögunni til. Gert er ráð fyrir einum mjaltaþjóni í þessum fjósum.
Á Ytri Hofdölum er það Herbert Hjálmarsson, maður Þórdísar og yfirsmiðurinn á bænum eins og Þórdís kemst sjálf að orði, sem byggir fjósið með samstarfsmönnum sínum en Friðrik Jónsson ehf. sem byggir fjósið í Flugumýrarhvammi sem og viðbygginguna á Gili. Gilsbúið ehf. eiga þau Vilborg Elísdóttir og Ómar Björn Jensson og starfa tengdasynir þeirra hjóna, þeir Jón Gunnar Vésteinsson og Hrólfur Þeyr Hlínarson, við búið. Þar er um viðbyggingu að ræða við núverandi fjós og er gert ráð fyrir 100 básum og gjafaaðstöðu í henni en Gilsbúið er með fjóra róbóta og ekki er búið að ákveða hvort einhver af þeim fara í nýbygginguna. Með framkvæmdunum er stefnt að því að bæta vinnuaðstöðuna og koma kúnum, sem eru á bænum Vík, í Gil og hafa með því alla mjólkurframleiðsluna á einum stað. Mun framleiðslan verða um það bil ein og hálf milljón lítra á ári.
Hafist var handa við byggingu þessara fjósa nú í vor og gera má ráð fyrir að nýju fjósin verði tekin í notkun á næsta ári. Viðtöl við bændurna sem Feykir ræddi við verða birt á næstu dögum. /gg
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.