Þrjátíu ár frá stofnun Félags eldri borgara í Skagafirði
Það var þétt setinn bekkurinn í Ljósheimum þegar Félag eldri borgara í Skagafirði fagnaði þrjátíu ára afmæli sínu sl. mánudag. Yfir hundrað manns nutu veislumatar og skemmtunar og var formaðurinn, Stefán Steingrímsson, afar ánægður með daginn.
„Það var yfirfullt húsið, alveg stappað. Það voru nokkrir sem tóku til máls en það var mikið sungið. Til dæmis Kór eldri borgara sem söng alveg frábærlega, hörku söngur. Geirmundur Valtýsson spilaði dinnermúsík undir borðum og fjöldasöng og svo kláraði Sigvaldi Gunnarsson þetta með stæl. Svo borðuðum við lambasteik, svakalega flottur matur hjá þeim hjónum Sigga Dodda og Kristínu,“ segir Stefán ánægður.
Félagið var stofnað 29. september 1992 og hét upphaflega Félag eldri borgara á Sauðárkróki. Stefán segir mikið um að vera hjá félaginu en í því eru um 300 manns sem er rétt undir þriðjungshluta íbúa héraðsins sem náð hafa sextugsaldri. „Við erum ánægð með þátttökuna. Það er ekki alls staðar sem svo vel tekst til. Við reynum að bjóða upp á fjölbreytta dagsskrá í afþreyingu og reynum að hafa það þannig að sem flestir geti fundið sér eitthvað til hæfis,“ útskýrir Stefán. Auk staðbundinnar dagskrár innan héraðs segir Stefán félagið bjóða upp á tvær dagsferðir yfir sumarið. „Við fórum tvær rosa fínar ferðir í sumar, Annars vegar fórum við í Dalina og fylltum rútuna og seinna á sýninguna Manstu gamla daga. Það var vel sótt,“ segir Stefán og bætir við: „Það er rífandi gangur í félaginu svo það hlýtur að vera að stjórnin sé að gera eitthvað rétt,“ segir hann kíminn. Auk Stefáns skipa stjórn þau Ingunn Ásdís Sigurðardóttir, Ásta Pálína Ragnarsdóttir, Steinunn Hjartardóttir og Ásta Sigurbjörnsdóttir en Magnús Óskarsson, Stefanía Ósk Stefánsdóttir og Björn Björnsson sitja í varastjórn.
„Næst er það jólafundurinn sem alltaf hefur verið mikil hátíð en hann hefur ekki verið haldinn síðustu tvö ár vegna Covid takmarkana. Síðast vorum við í Ljósheimum og ég reikna með því að svo verði nú enda mjög þægilegt að vera þar,“ segir Stefán að endingu. Feykir óskar félagsfólki til hamingju með tímamótin.
/PF
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.