Tap gegn Aþenu í fyrsta leik
Stólastúlkur spiluðu sinn fyrsta leik í Bónus deildinni í gærkvöldi og mættu þá áköfu liði Aþenu í Austurbergi í Breiðholti. Heimaliðið reyndist sterkara að þessu sinni en leikurinn var ansi kaflaskiptur. Lokatölur voru 86-66 fyrir lið Aþenu.
Jafnræði var með liðunum í fyrsta leikhluta, lið Tindastóls með frumkvæðið framan af en heimastúlkur voru þó yfir að leikhlutanum loknum, 19-18. Lið Aþenu byrjaði annan leikhluta betur og var fljótlega komið með um átta stiga forskot. Staðan í hálfleik var 40-30 og ljóst að gestirnir þurftu að koma sterkir til leiks í síðari hálfleik.
Það fór nú ekki alveg þannig því áköf pressa Aþenu hleypti liði Tindastóls varla fram yfir miðju fyrstu mínútur þriðja leikhluta. Hvað eftir annað stálu þær boltanum, jafnvel undir körfu Stólastúlkna, og gerðu ellefu fyrstu stig leikhlutans. Leiddu því 51-30 og lið Tindastóls virtist heillum horfið. Stelpurnar gerðu hins vegar vel og svaraði með 13-0 kafla. Staðan skyndilega orðin 51-43 og leikhlutinn ekki hálfnaður. Stólastúlkur héldu áfram að hamra járnið og þrír þristar í röð, tveir frá Klöru Sólveigu og einn frá Randi, komu liði Tindastóls yfir, 53-54.
Hvort bensínið kláraðist á þessum fína kafla skal ósagt látið en í kjölfar hans náði lið Aþenu 11-0 kafla og leiddi því með tíu stigum, 64-54, fyrir lokaleikhlutann þar sem þær reyndust sterkari og fögnuðu góðum sigri. Stugahæstar í liði Tindastóls var Randi með 26 stig, Coulibaly var með 14 og Edyta 11.
Við gáfumst ekki upp
Hlynur Freyr aðstoðarþjálfari segir þjálfarateymið hafa verið ánægt með baráttuna hjá sínu liði sem kom vængbrotið til leiks, aðeins níu stelpur á skýrslu og þar á meðal Eva Rún Dagsdóttir.
„Við vissum að þetta myndi verða erfitt án leikstjórnanda og margar að spila úr stöðu hjá okkur, en okkur fannst við ekki gefast upp og ná að halda áfram,“ sagði Hlynur.
Aðeins þrír erlendir leikmenn af fimm á skýrslu, hvað veldur? „Paula er að ná sér eftir að hafa dottið úr lið á puttanum og brákað hann, ennþá smá tími í hana, Melissa er heil en leyfismál að trufla okkur.“
Eva Rún, sem spilar með liði Selfoss í vetur, var mætt til leiks, hvað kom til? „Eva Rún mætti og hjálpaði okkur í gær og erum við rosalega þakklátir fyrir það. Við vorum ansi þunnskipaðar og þá er gott að eiga góða að sem til eru að hjálpa,“ sagði Hlynur Freyr sem tók þó fram að hún yrði ekki með liði Tindastóls í vetur.
Næstkomandi þriðjudag spila stelpurnar síðan fyrsta heimaleikinn en þá kemur geysiöflugt lið Stjörnunnar í heimsókn. Nú þurfa Stólastúlkur stuðning – áfram Tindastóll!
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.