Sjálfstæðisflokkur endaði stærstur í Norðvesturkjördæmi
Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.
Fyrsti þingmaður kjördæmisins er Ólafur Adolfsson, varnarjaxlinn ólseigi af Skaganum sem gerði reyndar einnig garðinn frægan með knattspyrnu- og körfuboltaliði Tindastóls í kringum 1990. Óli er vinsæll á Skaganum og hefur að líkindum fiskað vel á því svæði í það minnsta. Sjálfstæðiflokknum var ekki spáð mestu fylgi í kjördæminu daginn fyrir kjördag en bætti við aukagír á lokametrunum og fékk 18% atkvæða. Miðflokkurinn kom best út í Gallup-könnun en endaði með 14,8% % en spáin hljóðaði upp á 18,6%. Gunnar Bragi komst því ekki í gamla sætið sitt á þingi en Ingibjörg Davíðsdóttir er nýr þingmaður Miðflokksins.
Flokkur fólksins varð annar stærsti flokkur kjördæmisiins, endaði með 16,7% og Eyjólfur Ármanns og Lilja Rafney fengu bæði þingsæti, Lilja sem uppbótarþingmaður.Samfylking fékk 15,9% og Viðreisn 12.6% og einn þingmann hvor flokkur. Það eru Arna Lára Jónsdóttir bæjarstjóri á Ísafirði og María Rut Kristinsdóttir aðstoðarkona Þorgerðar Katrínar.
Framsókn náði að rétta úr kútnum síðustu daga kosningabaráttunnar. Flokkurinn hafði þrjá þingmenn síðast og þar með talinn uppbótarþingmanninn en verður nú að sætta sig við einn þingmann, Króksarann Stefán Vagn Stefánsson, sem er þá í raun eini þingmaðurinn með búsetu á Norðurlandi vestra. Framsókn endaði með 13,3% atkvæða.
Miðað við spá Gallup hefðu minnni flokkarnir átt að fá betri útkomu en raunin varð. Kannski hafa óráðnir kjósendur ákveðið að kjósa taktískt – jújú – og talið atkvæði sínu betur varið hjá flokkum sem ættu vísa þingmenn.
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.