Sigurður Bjarni formaður nýrrar stjórnar Náttúrustofu Norðurlands vestra
Ný stjórn Náttúrustofu Norðurlands vestra, sem skipuð var í kjölfar veitarstjórnarkosninganna í vor, hélt sinn fyrsta fund í byrjun október. Stjórnin er skipuð fulltrúum þeirra sveitarfélaga á Norðurlandi vestra sem aðild eiga að Náttúrustofunni en það eru Skagafjörður, Sveitarfélagið Skagaströnd og Húnaþing Vestra.
Sigurður Bjarni Rafnsson
Í tilkynningu frá NNv kemur fram að í stjórn sitji fjórir fulltrúar, tveir frá Skagafirði, Sigurður Bjarni Rafnsson og Jóhanna Ey Harðardóttir; Halldór Gunnar Ólafsson, Skagaströnd og Elín Lilja Gunnarsdóttir úr Húnaþing vestra. Formaður stjórnar var kjörinn Sigurður Bjarni.
Á fundinum kynnti forstöðumaður, Starri Heiðmarsson, verkefni sumarsins fyrir stjórn:
„Náttúrustofan leggur áherslu á rannsóknir á náttúrufari á Norðurlandi vestra og hefur sinnt umfangsmiklum fuglatalningum, bæði á eigin vegum og í samstarfi við Náttúrufræðistofnun Íslands. Í sumar hefur náttúrustofan sömuleiðis sinnt vöktun skv. samningi við Náttúrufræðistofnun þar sem endurgreind voru vistgerðasnið sem sett voru út árin 1999-2013. Sömuleiðis er fylgst með þekktum steingervingastöðum á svæðinu. Þá hefur forstöðumaður fylgst með sjaldgæfum fléttum á suðausturlandi auk þess sem hann fylgist með landnámi fléttna í hinni tæplega 60 ára gömlu Surtsey. Þá er náttúrustofan í samstarfi við BioPol á Skagaströnd að vakta örplast í sjó auk þess að taka þátt í alþjóðlegu verkefni í samstarfi við Hólaskóla og Selasetrið á Hvammstanga.
Framtíðarverkefni náttúrustofunnar komu einnig til umræðu. Votlendi svæðisins hýsir mikilvæg vistkerfi og óþekktan líffræðilegan fjölbreytileika. Sérstaklega þarf að fylgjast með votlendissvæðum á hálendinu sem geyma sífrera eins og Orravatnsrústir eða Guðlaugstungur en bæði svæðin voru heimsótt í sumar í tengslum við vöktun vistgerða.“
Fram kemur í tilkynningunni að rekstur náttúrustofunnar sé í jafnvægi og samþykkti stjórn þá tillögu forstöðumanns að halda opinn ársfund NNv snemma næsta ár þar sem íbúum svæðisins gefst tækifæri á að kynnast helstu verkefnum og niðurstöðum ársins.
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.