Öruggur sigur á Hafnfirðingum í gærkvöldi
Tindastóll tók á móti Haukum í gærkvöldi í Bónus deild karla. Hafnfirðingar höfðu farið illa af stað í deildinni og tapað fyrstu tveimur leikjunum sannfærandi á meðan Stólarnir leifðu sér að tapa gegn KR heima í fyrstu umferð en lögðu ÍR að velli í annarri umferð. Haukarnir reyndust lítil fyrirstaða í gær og þó gestirnir hafi hangið inni í leiknum langt fram í þriðja leikhluta var leikurinn aldrei spennandi og heimamenn fögnuðu góðum tveimur stigum. Lokatölur 106-78.
Lið Tindastóls hafði farið rólega af stað í fyrstu tveimur leikjunum og í gær ætluðu menn greinilega að hrista af sér sliðruorðið og taka þetta með trukki. Haukarnir voru engu að síður yfir 2-4 en síðan náðu heimamenn yfirhöndinni. Þeir leiddu 11-4 og 19-12 en inn á milli náðu gestirnir, með Everage Lee Richardson í stuði, smá áhlaupum. Það munaði tíu stigum að loknum fyrsta leikhluta, 32-22. Stólarnir bættu örlítið í í öðrum leikhluta og munurinn um hann miðjan orðin 16-20 stig en gestirnir klóruðu aðeins í bakkann undir lok fyrri hálfleiks og staðan að honum loknum 60-46.
Það væri því synd að segja að varnarleikur liðanna hafi verið til fyrirmyndar en heldur minna var skorað í síðari hálfleik. Um miðjan þriðja leikhluta höfðu Stólarnir bætt tíu stigum á töfluna en Haukarnir fimm. Þegar tæp mínúta var eftir af leikhlutanum minnkuðu gestirnir muninn í 14 stig en þristar frá Pétri og Arnari slökktu í þessum vonarneista Hauka og staðan 83-63 fyrir lokakaflann. Stólarnir voru snöggir að koma muninum í þrjátíu stig í fjórða leikhluta og yngri leikmenn fengu að stíga dansinn á lokakaflanum. Axel Arnarsson og Sigurður Stefán Jónsson gerðu sínar fyrstu körfur í efstu deild í gær á lokakafla leiksins og settu þar með punktinn aftan við góðan sigur Tindastóls.
Leikmenn Tindastóls sýndu oft laglega takta í gær en hvað það segir um liðið er ekki gott að segja þar sem andstæðingurinn var ekki upp á marga fiska. Stigaskorið dreifðist vel á leikmannahópinn en öflugastur í gær var Sadio Doucoure sem gerði 29 stig og tók tíu fráköst. Þá var Basile með 19 stig, Arnar 15, Giannis 10 og Pétur 9. Hjá gestunum var Everage stigahæstur með 26 stig en megnið af þeim gerði hann í fyrri hálfleik.
Í síðustu tveimur leikjum hafa Stólarnir spilað við tvö slökustu lið deildarinnar þannig að nú fara þeir að lenda í harðari rimmum. Næst á dagskrá er heimsókn í Kópavoginn þar sem taplaust lið Grindavíkur bíður þeirra með Deandre Kane væntanlega í broddi fylkingar – nema hálfleiksæfingar gærkvöldsins dragi dilk á eftir sér.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.