Óbreytt staða á botni Bestu deildarinnar
Lið Tindastóls og Keflavíkur skildu jöfn, 1-1, á Sauðárkróksvelli í dag í átjándu og síðustu umferð Bestu deildarinnar. Úrslitin þýða að lið Tindastóls er í áttunda sæti með 13 stig nú þegar úrslitakeppnin hefst en Keflvík í tíunda og neðsta sæti með 10 stig eða jafnmörg og Fylkir. Liðin mætast að nýju í fyrstu umferð úrslitakeppni neðri liðanna sem hefst nk. sunnudag.
Það var stillt veður en blautt og kalt á vellinum. Ekki virtist það slá gestina út af laginu sem náðu forystunni strax á 9. mínútu. Þá náðu Keflvíkingar snarpri sókn þar sem vörn Tindastóls var ekki með á nótunum. Miller lagði þá boltann inn á teig á Marínu Rún, María Dögg var þá skyndilega að dekka tvo leikmenn og skildi Marínu eftir sem snéri með boltann og dúndraði í fjærhornið hjá Monicu. Lið Tindastóls gerði sitt besta til að jafna metin fyrir hlé en Hugrún, Jordyn og Birgitta náðu ekki að nýta færin sem gáfust. Skömmu fyrir hlé skoraði svo Hugrún en markið dæmt af þar sem hún fékk boltann í hendina áður en hún setti hann í markið. Staðan 0-1 í hálfleik.
Gestirnir byrjuðu betur í síðari hálfleik en Stólarnir jöfnuðu metin í fyrstu sókn sinni. Jordyn var þá í klafsi við vítateiginn, boltinn barst til vinstri og rétt utan vítateigs náði Elísa Bríet frábæru ristarskoti sem söng óverjandi í netinu hjá Veru Varis. Lið Tindastóls hafði undirtökin eftir þetta en bæði lið hefðu geta bætt við mörkum. Jordyn skoraði eftir rúmlega klukkutíma leik en markið dæmt af vegna rangstæðu sem virtist vera tæp. Þegar venjulegur leiktíma var að renna út komu Stólastúlkur boltanum í markið í fjórða sinn í leiknum en dómarinn flautaði á brot í teignum og dæmdi þannig þriðja markið af liði Tindastóls.
Liðin skiptu því stigunum á milli sín. Það voru heldur skárri úrslit fyrir Tindastól sem fara þá inn í úrslitakeppnina með 13 stig, þremur stigum meira en Keflavík og Fylkir. Fjórða liðið í neðri hluta úrslitakeppninnar er síðan Stjarnan en Garðbæingar töpuðu í dag fyrir Þrótti Reykjavík og höfðu þar með sætaskipti í deildinni.
Það má reikna með spennandi úrslitakeppni en klárlega þarf lið Tindastóls að finna sigurgírinn fyrr en síðar þar sem liðið náði ekki að vinna einn einasta leik í síðari umferð Bestu deildarinnar, gerði þrjú jafntefli og tapaði sex leikjum. Það er hæpið að áframhald á slíkri frammistöðu dugi til að halda sér í deildinni. Áfram Tindastóll!
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.