Lýsa yfir óánægju með aðgerðir Skagafjarðar í leikskólanum Ársölum
Í bréfi til sveitarstjóra, fræðslusviðs og leikskólastjóra sveitarfélagsins Skagafjarðar lýsa Inga Jóna Sveinsdóttir og Hafdís Einarsdóttir, foreldrar, starfandi kennarar og fulltrúar í foreldraráði Ársala, yfir óánægju með að sveitarfélagið hafi skipulagt opnun leikskólans Ársala í dag þrátt fyrir verkfallsaðgerðir KÍ. „Við teljum ekki réttlætanlegt að hafa deildir opnar, með skertri starfsemi, þegar deildarstjóra vantar á deildir þar sem hann stýrir faglegu starfi hverrar deildar fyrir sig,“ segir m.a. í bréfinu.
Bréfið er á þessa leið:
„Undirritaðar eru foreldrar, starfandi kennarar og fulltrúar í foreldraráði Ársala.
Við viljum með þessu erindi lýsa yfir óánægju okkar yfir því að sveitarfélagið Skagafjörður hafi farið í að skipuleggja opnun leikskólans Ársala í dag þrátt fyrir verkfallsaðgerðir KÍ. Við teljum ekki réttlætanlegt að hafa deildir opnar, með skertri starfsemi, þegar deildarstjóra vantar á deildir þar sem hann stýrir faglegu starfi hverrar deildar fyrir sig. Slík framkvæmd af hálfu sveitarfélagsins felur í sér skýr skilaboð um að fagmenntun starfsfólks sé óþörf og felur þar af leiðandi vanvirðingu í sér gagnvart námi kennara og mikilvægi þeirra.
Undirritaðar leggja þó áherslu á að ófaglært starfsfólk, eða starfsfólk með aðra menntun en kennaramenntun, er mikilvægt í starfsemi leikskólans og ekki er gert lítið úr hæfni þeirra til að starfa með börnunum með þessu erindi. Þvert á móti. Hins vegar eru kennarar, sem starfa undir merkjum KÍ, nauðsynlegir fyrir starf leikskóla enda bundið í lög að sveitarfélög skuli eftir fremsta megni ráða fagmenntaða leikskólakennara.
Varðandi reglur um verkföll er það ljóst af hálfu KÍ að framkvæmd sveitarfélagsins er skýrt verkfallsbrot og að okkar mati með öllu ólíðandi að sveitarfélagið standi fyrir ofangreindum aðgerðum. Slíkar aðgerðir eru þó líklega ætlaðar til að aðstoða foreldra og börn og létta undir þeim enda erfiður tími framundan. Að okkar mati er þó búin til enn meiri óvissa fyrir börn og foreldra, fyrir starfsfólk leikskólans og aðra í samfélaginu, fyrir utan það að vissulega er kennurum sýnd vanvirðing í sinni stöðu í verkfallsaðgerðunum.
Undirritaðar hvetja sveitarfélagið Skagafjörð til að létta á óvissu barna og foreldra þeirra og sýna kennurum sínum stuðning í verki með því að fylgja verklagsreglum KÍ og loka þeim deildum sem sannarlega eiga að vera lokaðar á meðan á verkfalli stendur.
Inga Jóna Sveinsdóttir
Hafdís Einarsdóttir“
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.