Hugarfóstur Audda Blö tilnefnt til Evrópsku kvikmyndaverðlaunanna
Fyrir einhverjum árum kviknaði hugmynd í kolli Auðuns Blöndal sem á endanum varð að grín/hasarmyndinni Leynilöggu en myndin var frumsýnd í fyrra við góðar undirtektir íslenskra bíógesta. Það sem kannski kom á óvart var að myndin hitti í mark utan landsteinanna og í dag varð vegur Leynilöggu enn tilkomumeiri því kvikmyndin var tilnefnd til Evrósku kvikmyndaverðlaunanna í flokki gamanmynda.
Kvikmyndinni, sem kallast Cop Secret á erlensku, var leikstýrt af meistara Hannesi Þór Halldórssyni sem er þó sennilega enn þekktastur fyrir að verja víti frá Messi á HM í Rússlandi. Leynilögga skartar þremur Skagfirðingum í aðalhlutverkum; Audda Blö, Einari Dýllara Egilssyni og Vivian Ólafsdóttur. Auddi og Egill voru að auki í fimm manna hópi handritshöfunda myndarinnar
Aðeins þrjár myndir eru tilnefndar í flokki gamanmynda en hinar tvær eru spænska myndin El buen patrón (The Good Boss) og franska ræman La Fracture (The Divide). Í frétt á Vísi.is segir að þetta sé í 35. skipti sem Evrópsku kvikmyndaverðlaunin eru afhent en flokkurinn utan um gamanmyndir hefur verið við lýði í tíu ár. Þetta er í fyrsta sinn sem íslensk mynd er tilnefnd í þeim flokki en alls hafa íslenskar myndir og stuttmyndir hlotið átta tilnefningar í gegnum tíðina.
Að þessu sinni verða Evrópsku kvikmyndaverðlaunin haldin á Íslandi, nánar tiltekið þann 10. desember í Hörpu. Húllumhæinu verður að sjálfsögðu sjónvarpað til fjölmargra Evrópulanda.
Feykir óskar Audda og félögum til hamingju með tilnefninguna. Hér er hlekkur á viðtal Feykis við kappann frá því fyrir ári og fimm dögum >
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.