HSN á Sauðárkróki fékk rausnarlega gjöf frá KS
Bjarni Maronsson stjórnarformaður KS afhenti nú síðastliðinn mánudag formlega, fyrir hönd Kaupfélags Skagfirðinga, Heilbrigðisstofnun Norðulands á Sauðárkróki rausnarlega gjöf. Um var að ræða nýtt og mjög fullkomið ómtæki sem kostar u.þ.b. 10 milljónir króna. Gjöfin var vel rúmlega fyrir því og hægt að bæta við tíu nýjum sjúkrarúmum á stofnunina sem kemur sér sérstaklega vel.
„Nýja ómtækið er komið og er mjög fullkomið,“ sagði Þorsteinn M. Þorsteinsson læknir þegar Feykir spurðist fyrir um gjöfina en Þorsteinn sinnti lengi skimunarómunum við tuttugustu viku á meðgöngu.
„Ómtækið getur hjálpað okkur í daglegu starfi við sjúkdómsgreiningar og við stefnum á að fleiri læknar fái frekari þjálfun í ómun, ekki síst vegna kynslóðaskipta hjá læknum. Nýir og betri læknar komnir og vonandi fleiri á leiðinni,“ segir hann.
Hann bætir við að ómanir séu líka að fá meiri sess við sjúkdómsgreiningar, m.a. í bráðalækningum og á fleiri sviðum. Þær eru mikið notaðar í kvensjúkdómalækningum og hjartalækningum og reyndar þvagfæralækningum einnig.
„Við fáum til okkar hjartalækni og kvensjúkdómalækni reglulega og forsenda fyrir því er m.a. að hafa gott ómtæki,“ segir Þorsteinn. Hann vill að lokum koma til skila mjög miklu þakklæti til Kaupfélags Skagfirðinga fyrir þessa rausnarlegu gjöf og í raun Skagfirðingum almennt fyrir mikla og ómentanlega velvild í garð HSN á Sauðárkróki.
Fram kom í máli Bjarna Maronssonar við afhendinguna að gjöfin væri gefin í tilefni af 135 afmæli Kaupfélags Skagfirðinga sem var stofnað árið 1889. /gg
- - - - - -
Á myndinni hér að neðan sjást læknarnir Sigurbjörg, Þorsteinn og Örn taka nýja tækið til kostanna.
Fleiri fréttir
-
Rjúpnaveiðitímabilið að hefjast
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.45Rjúpnaveiðitímabilið hefst þann 25. október 2024 nk. og er veiði heimil föstudaga til þriðjudaga (báðir dagar meðtaldir) innan veiðitímabils. Því er ekki heimilt að veiða miðvikudaga og fimmtudaga.Meira -
Kynningarfundur Target Cicurlar - áhrifaríkar sjálfbærniaðgerðir og auðveldari ákvarðanataka
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.25Verkefnið Target Circular stendur fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki, miðvikudaginn 23. Október og hefst viðburðurinn klukkan 10:30. Kallað er eftir þátttöku frá ráðgjöfum um allt land sem veita aðstoð til frumkvöðla og fyrirtækja.Meira -
Hver er maðurinn og hvað vill hann upp á dekk? | Björn Bjarki Þorsteinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2024 kl. 12.10Á fjölmennu kjördæmisþingi Sjálfstæðismanna sunnudaginn 20. október sl. hlaut undirritaður kosningu í 2. sæti á framboðslista Sjálfstæðisflokksins í Norðvesturkjördæmi fyrir Alþingiskosningar sem fram fara þann 30. nóvember 2024. Fyrir þann stuðning er ég afar þakklátur og mun nálgast komandi verkefni bæði af auðmýkt en ekki síður metnaði fyrir hönd kjördæmisins alls.Meira -
Ragnhildur og Sigurður ráðin til Eims
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.52Eimur hefur ráðið Ragnhildi Friðriksdóttur og Sigurð Líndal Þórisson sem verkefnastjóra félagsins á Norðurlandi vestra. Þetta kemur fram í fréttatilkynningu frá Eimi.Meira -
Fullt út úr dyrum í útgáfufögnuðinum hjá Magnúsi
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.44Feykir sagði frá því um helgina að í tilefni útkomu bókarinnar Öxin, Agnes og Friðrik eftir Magnús Ólafsson á Sveinsstöðum yrði haldin útgáfuhátíð í Reykjavík í gær. Það er skemmst frá því að segja að það var fullt út úr dyrum í Penninn Eymundsson í Austurstræti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.