Bónusdeild karla hefst í kvöld
feykir.is
Skagafjörður, Austur-Húnavatnssýsla, Íþróttir, Vestur-Húnavatnssýsla, Fréttir
03.10.2024
kl. 10.00
Benedikt Rúnar Guðmundsson.MYND HJALTI ÁRNA
Bónusdeild karla hefst í kvöld þegar Tindastóll tekur á móti KR í Síkinu. Á Facebooksíðu Tindastóls segir að fyrir leik gefst árskorthöfum tækifæri til að hittast í þjálfaraspjalli frá kl 17.45, í nýrri aðstöðu körfuknattleiksdeildarinnar í norðurhlutanum á Ábæ. Allir árskorthafar eru hvattir til að mæta þangað, spjalla og skiptast á hugmyndum. Leikurinn hefst á slaginu 19:15, hamborgararnir verða á grillinu frá 18:30.
Feykir tók forskot á þjálfaraspjallið og talaði við Benedikt Rúnar Guðmundsson nýjan þjálfara mfl.Tindastóls sem segist mjög ánægður með hópinn og stemningin jákvæð innan hópsins og menn staðráðinir í að gera allt sitt til að gera liðið betra. Benni segist jafnframt hrikalega spenntur, það sé alltaf mikil spenna þegar nýtt tímabil sé að hefjast og það er einhver auka spenna fyrir þessu tímabili.
Þegar Benni er spurður út í stöðuna á mannskapnum segir hann þau hafa verið að eiga við veikindi innan liðsins undanfarið, eins og gengur og gerist en það verði allir með.
En hvernig líst þér á fyrsta leik á móti uppeldisfélaginu KR? „Ég er spenntur að byrja tímabilið á heimavelli og gaman að fá stórveldið KR í fyrsta leik. Þeir eru með töluvert betra lið en einhverjir gera sér grein fyrir. Mér finnst þeir hafa gert vel á erlenda markaðnum og náð í leikmenn sem henta vel í deildinni hér á Íslandi.“
Að lokum verðum við að vita hvernig Benna finnst stemningin. „ Mín upplifun er alla vega sú að það sé mikil stemning hjá stuðningsmönnum. Það var gaman að ná að fá þrjá heimaleiki á undirbúningstímabilinu og ég held að það hafi hvergi verið eins góð mæting á æfingaleiki eins og hjá okkur. Það lofar virkilega góðu,“ segir Benni að lokum.
Við óskum þeim að sjálfsögðu góðs gengis - allir í Síkið, ÁFRAM TINDASTÓLL !
Fleiri fréttir
-
Rjúpnaveiðitímabilið að hefjast
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.45Rjúpnaveiðitímabilið hefst þann 25. október 2024 nk. og er veiði heimil föstudaga til þriðjudaga (báðir dagar meðtaldir) innan veiðitímabils. Því er ekki heimilt að veiða miðvikudaga og fimmtudaga.Meira -
Kynningarfundur Target Cicurlar - áhrifaríkar sjálfbærniaðgerðir og auðveldari ákvarðanataka
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.25Verkefnið Target Circular stendur fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki, miðvikudaginn 23. Október og hefst viðburðurinn klukkan 10:30. Kallað er eftir þátttöku frá ráðgjöfum um allt land sem veita aðstoð til frumkvöðla og fyrirtækja.Meira -
Hver er maðurinn og hvað vill hann upp á dekk? | Björn Bjarki Þorsteinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2024 kl. 12.10Á fjölmennu kjördæmisþingi Sjálfstæðismanna sunnudaginn 20. október sl. hlaut undirritaður kosningu í 2. sæti á framboðslista Sjálfstæðisflokksins í Norðvesturkjördæmi fyrir Alþingiskosningar sem fram fara þann 30. nóvember 2024. Fyrir þann stuðning er ég afar þakklátur og mun nálgast komandi verkefni bæði af auðmýkt en ekki síður metnaði fyrir hönd kjördæmisins alls.Meira -
Ragnhildur og Sigurður ráðin til Eims
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.52Eimur hefur ráðið Ragnhildi Friðriksdóttur og Sigurð Líndal Þórisson sem verkefnastjóra félagsins á Norðurlandi vestra. Þetta kemur fram í fréttatilkynningu frá Eimi.Meira -
Fullt út úr dyrum í útgáfufögnuðinum hjá Magnúsi
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.44Feykir sagði frá því um helgina að í tilefni útkomu bókarinnar Öxin, Agnes og Friðrik eftir Magnús Ólafsson á Sveinsstöðum yrði haldin útgáfuhátíð í Reykjavík í gær. Það er skemmst frá því að segja að það var fullt út úr dyrum í Penninn Eymundsson í Austurstræti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.