Biðja fyrir snjóléttum vetri
„Helsta vandamálið við þetta verk er að við erum að leggja lögnina hálfum metra undir sjávarmáli í byrjun og gætir því flóðs og fjöru í lagnaskurðum. Við þurfum að láta dælu ganga allan sólarhringinn til að halda skurðum á þurru,“ segir Rúnar S. Símonarson hjá Vinnuvélum Símonar Skarphéðinssonar sem eru nú að vinna á Skagaströnd við fyrsta áfanga að fráveitu sem kallast Hólanes-Einbúastígur.
Rúnar segir að verið sé að grafa í gegnum fyllingu sem er bara sandur og verða skurðirnir því frekar stórir. „Veðrið skiptir líka máli og erum við búnir að leggjast á bæn um snjólettan vetur. Ef veður leyfir ætlum við að vinna í vetur við þetta verk,“ segir hann en verklok eru áætluð 1. júní 2023. Framkvæmdir á Skagaströnd hófust í lok september.
Hver hafa verið helstu verkefnin hjá ykkur í sumar og haust? „Við vorum með jarðvinnu fyrir viðbyggingu og lóð við Árkíl á Sauðárkróki og sáum um jarðvinnu fyrir Etanólverksmiðjuna við Mjólkursamlagið. Þá vorum við með alla jarðvinnu fyrir 2000 fermetra reiðhöll við Neðra-Ás í Hjaltadal, erum í gatnagerð fyrir sveitarfélagið í Nestúninu [á Sauðárkróki] sem er að klárast og einnig höfum við verið að taka húsgrunna og ýmis smærri verk fyrir sveitarfélagiðSkagafjörð.
Rúnar bætir við að þeir hafi einnig unnið plægingarverkefni fyrir Orkufjarskipti á þríburaröri frá Lónsá á Akureyri og að sýslumörkum Skagafjarðar og því sé nú lokið. „Við erum líka með plægjingarverkefni fyrir Rarik uppi í Hjaltadal sem klárast í næstu viku,“ segir hann.
Meðal þeirra verkefna sem eru framundan nefnir Rúnar gatnagerð við Norðurbrún í Varmahlíð fyrir sveitarfélagið, áframhaldandi vinnu við fráveitu á Skagaströnd, taka þarf þrjá húsgrunna og síðan annast Vinnuvélar Símonar snjómokstur fyrir sveitarfélagið í vetur. „Einnig sjáum við um vetrarþjónustu á flugvellinum og ansi mörg fyrirtæki í bænum.“
Er alltaf nóg að gera hjá verktökum þessi misserin? „Verkefnastaðan er mjög góð en við erum að glíma við vöntun á starfsfólki eins og ansi margir í dag,“ segir Rúnar að lokum.
- - - - - -
Feykir fékk lánaðar nokkrar myndir hjá Árna Geir á Skagaströnd sem sýna framkvæmdir við fráveituna.
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.