Rabb-a-babb 184: Kristján Bjarni
Nafn: Kristján Bjarni Halldórsson.
Árgangur: 1966.
Fjölskylduhagir: Í sambúð með Sigríði Svavarsdóttur. Sirrý á þrjár dætur og ég einn son. Barnabörnin eru átta.
Búseta: Barmahlíð 11, Sauðárkróki
Hverra manna ertu og hvar upp alinn: Ég er að vestan, frá Suðureyri, en bjó á Suðurlandinu frá sjö ára aldri.
Starf / nám: Áfangastjóri við FNV.
Hvað er í deiglunni: Svona fyrir utan vinnuna þá er alltaf eitthvert golf á dagskrá, hvort sem það eru formannsstörf eða spilamennska.
Rabbið:
Hvernig nemandi varstu? Ágætur.
Hvað er eftirminnilegast frá fermingardeginum? Var kominn út í fótbolta í lok veislunnar.
Hvað ætlaðir þú að verða þegar þú yrðir stór? Sennilega atvinnumaður í knattspyrnu.
Hvert var uppáhalds leikfangið þitt þegar þú varst krakki? Bolti.
Besti ilmurinn? Ilmurinn af nýslegnu grasi upp á Hlíðarendavelli.
Hvar og hvenær sástu núverandi maka þinn fyrst? Á Sauðárkróki fyrir löngu.
Hvað varstu að hlusta á þegar þú fékkst bílprófið? Úff, ég hlustaði svakalega mikið á tónlist. Pink Floyd var snemma í miklu uppáhaldi.
Hvernig slakarðu á? Golfið er ansi góð æfing í hugleiðslu og núvitund. Ég slaka vel á með því að spila golf.
Hverju missirðu helst ekki af í sjónvarpinu? Íþróttum.
Besta bíómyndin? Fargo, hún er listaverk. Ég elska svarta húmorinn.
Hvaða íþróttamanni hefurðu mestar mætur á? Tiger Woods.
Hvað gerir þú betur en allir aðrir á þínu heimili? Ryksuga.
Hvert er snilldarverkið þitt í eldhúsinu? Hafragrauturinn á morgnana.
Hættulegasta helgarnammið? Marsipan.
Hvernig er eggið best? Linsoðið.
Hvað fer mest í taugarnar á þér í fari þínu? Hégóminn.
Hvað fer mest í taugarnar á þér í fari annarra? Ókurteisi.
Uppáhalds málsháttur eða tilvitnun? Góð íþrótt er gulli betri.
Hver er elsta minningin sem þú átt? Það var þegar ég fékk Liverpool búning.
Þú vaknar einn morgunn í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera? Tiger Woods, ég myndi spila 18 holur.
Hver er uppáhalds bókin þín og/eða rithöfundur? The Practice Manual: The Ultimate Guide for Golfers eftir Adam Young.
Hvaða þremur persónum vildirðu bjóða í draumakvöldverð? Jesús, Kölska og Helga Seljan – yrðu áhugaverðar samræður.
Ef þú gætir farið til baka í tímann, hvert færirðu? Ég færi á þann tíma þegar ég var ca. 10–12 ára og lífið var leikur og fótbolti allan daginn.
Hver væri titillinn á ævisögu þinni? Vann Opna breska á gamalsaldri.
Framlenging:
Ef þú gætir hoppað upp í flugvél og réðir hvert hún færi, þá færirðu: Skotlands, þar er vagga golfsins og stutt að fljúga.
Bucket list spurningin: Nefndu eitthvað þrennt sem þér finnst þú mega til að gera áður en þú gefur upp öndina: Skrifa glæpasögu, semja popplag (smell) og fara undir 10 í forgjöf.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.