Rabb-a-babb 181: Alexandra sveitarstjóri
Nafn: Alexandra Jóhannesdóttir.
Árgangur: 1988.
Fjölskylduhagir: Einhleyp.
Búseta: Sveitarfélagið Skagaströnd.
Starf / nám: Sveitarstjóri á Skagaströnd / Lögfræðingur.
Hvað er í deiglunni: Allt of margt.
Rabbið:
Hvernig nemandi varstu? Stressaður.
Hvað er eftirminnilegast frá fermingardeginum? Ég söng í fermingunni sem gekk hálf illa af því að oblátan festist í hálsinum á mér, sat þar föst. Hef átt betri daga.
Hvað ætlaðir þú að verða þegar þú yrðir stór? Tónlistarmaður.
Hvert var uppáhalds leikfangið þitt þegar þú varst krakki? Man það ekki – var alltaf úti að leika mér.
Besti ilmurinn? Nýþvegið hár og heimalöguð marinarasósa frá grunni (ekki á sama tíma).
Hvað varstu að hlusta á þegar þú fékkst bílprófið? Mjög líklega Gullbylgjuna.
Hvernig slakarðu á? Fer í göngutúr með voffann minn og svo sjóðheita sturtu eftir á.
Besta bíómyndin? Gladiator einhverra hluta vegna. Tónlistin virkilega góð
Hvað gerir þú betur en allir aðrir á þínu heimili? Ég bý ein þannig ég geri allt best þangað til stóra systir mín kemur í heimsókn og sýnir mér hvernig á að gera hlutina.
Hvert er snilldarverkið þitt í eldhúsinu? Sósur í öllum birtingarmyndum.
Hættulegasta helgarnammið? Kók og súkkulaði
Hvernig er eggið best? Spælt með stökkum brúnum. Ég þoli ekki eggjahræru (ekki að það hafi verið spurt um það).
Hvað fer mest í taugarnar á þér í fari þínu? Ég er mjög óþolinmóð og óhandlagin sem fer illa saman. Enda get ég aldrei hengt neitt upp eða lagað á heimilinu nema eyðileggja eitthvað í leiðinni.
Hvað fer mest í taugarnar á þér í fari annarra? Níska, ókurteisi og óheiðarleiki.
Uppáhalds málsháttur eða tilvitnun? Þetta reddast.
Þú vaknar einn morgunn í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera? Chris Martin og ég væri vonandi í miðju tónleikaferðalagi.
Orð eða frasi sem þú notar of mikið? Þetta er galið.
Hvaða þremur persónum vildirðu bjóða í draumakvöldverð? Ég sakna systra minna mjög mikið þar sem við búum langt í burtu frá hver annarri svo þær fengju boðið.
Hver væri titillinn á ævisögu þinni? Úps.
Framlenging:
Ef þú gætir hoppað upp í flugvél og réðir hvert hún færi, þá færirðu... til Nýja Sjálands. Á mikið af góðum vinum þar sem væri gaman að sækja heim.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.