Þrjár af uppáhaldsuppskriftum fjölskyldunnar
Gígja Hrund Símonardóttir og Helgi Svanur Einarsson á Sauðárkróki voru matgæðingar í 4. tölublaði ársins 2017.
„Heiða systir skoraði á okkur að vera næstu matgæðingar Feykis og að sjálfsögðu reynum við að standa undir því. Hér sendum við þrjár uppskriftir sem allar eru í nokkru uppáhaldi hjá fjölskyldunni. Allt eru þetta tiltölulega fljótlegar og einfaldar uppskriftir sem að okkar mati bragðast bara býsna vel,“ sögðu þau Gígja Hrund og Helgi Svanur sem tóku á móti áskorun alla leið frá Kirkjubæjarklaustri, en þar býr Heiða, systir Gígju.
„Fyrst bjóðum við upp á alveg ágætis fiskrétt sem hægt er að útfæra og breyta endalaust. Um að gera að setja bara það grænmeti sem hverjum og einum líkar best. Okkur finnst mjög gott að bæta við t.d. rauðri papriku og spergilkáli."
Ofnbakaður fiskur í paprikusósu
ýsa eða þorskur, magn eftir fjölda matargesta (600 - 800 g)
1 box paprikusmurostur (250 g)
1 box sveppir (250 g)
1 púrrulaukur
2½ dl rjómi + ½ dl mjólk (eða 3 dl matreiðslurjómi)
1 grænmetisteningur
smá cayenne pipar
(⅛ úr teskeið) Krydd lífsins frá Pottagöldrum (eða önnur krydd eftir smekk)
rifinn ostur
Aðferð:
Hitið ofninn í 175°. Sneiðið sveppi og púrrulauk. Hitið olíu á pönnu og steikið sveppina og púrrlaukinn. Kryddið með Kryddi lífsins (eða öðrum kryddum) og hellið rjóma yfir. Hrærið smurostinum saman við í skömmtum og bætið svo grænmetisteningi út í. Leyfið sósunni að sjóða við vægan hita á meðan fiskurinn er undirbúinn.
Skolið og þerrið fiskinn og leggið í eldfast mót. Kryddið með pipar og salti og hellið síðan sósunni yfir. Setjið rifinn ost yfir og eldið í 20 mínútur, eða þar til osturinn hefur fengið fallegan lit.
„Næst er það gulrótakaka sem klikkar seint, enda uppskriftin komin frá Jóa Fel."
Gulrótakaka
200 g gulrætur
1 dl matarolía
160 g sykur
2 stk. egg
170 g hveiti
1½ tsk. matarsódi
¾ tsk. salt
¾ tsk. kanill
1 tsk. vanillusykur
Aðferð:
Rífið gulræturnar í matvinnsluvél eða skerið í litla bita. Setjið matarolíu, sykur og egg í hrærivélaskál og hrærið saman. Blandið öllum þurrefnum saman í skál og bætið í hrærivélaskálina. Hrærið deigið vel saman og blandið síðan gulrótabitum varlega saman við deigið með sleikju. Setjið deigið í smurt bökunarform og bakið við 180°C í um 35 mín. Kælið kökuna.
Krem:
45 g smjör
90 g rjómaostur
250 g flórsykur
1 tsk. vanilludropar
1 tsk. sítrónusafi
Bræðið smjör og setjið allt í hrærivélaskál. Hrærið saman á hægum hraða, stutta stund. Smyrjið kreminu yfir kökuna og berið fram.
„Að síðustu er uppskrift af ostasalati sem hentar einkar vel í saumaklúbbinn eða með á veisluborðið.“
Ostasalat á kex
1 lítil dós majones
1 lítil dós sýrður rjómi
1 lítil dós ananaskurl án safa
blá og græn vínber
rauð og græn paprika
¼ blaðlaukur
1 mexíkóostur
1 hvítlauksostur
Aðferð:
Vínberin, paprikan, blaðlaukurinn og ostarnir brytjað smátt og öllu hrært saman. Látið jafna sig í nokkrar klukkustundir í kæliskáp. Borið fram með góðu saltkexi eða snittubrauði.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.