Steinabollur og Raspterta
„Það verður að teljast heiður að vera boðið að vera með með þrátt fyrir að hafa ekki fasta búsetu í Skagafirði, svo að ekki varð skorast undan þegar Vala og Helgi báðu okkur að taka við og gefa lesendum einhverjar uppáhalds uppskriftir,“ sögðu matgæðingarnir í 16 tölublaði Feykis árið 2016, þau Árdís Kjartansdóttir og Hjörleifur Jóhannesson í Stekkjarbóli í Skagafirði.
„Fyrir valinu urðu tvær sem alltaf hitta í mark. Sú fyrri er hversdagsmatur, fljótlegur og auðveldur að búa til og alltaf vinsæll, ekki síst hjá unga fólkinu. Við köllum hann Steinabollur eftir Þorsteini Kristleifssyni vini okkar frá Húsafelli, sem hefur haft það á orði að hann kunni ekki að elda fyrir færri en tólf. Við höfum oft notið þess. Uppskriftin sem hér birtist er grunnuppskrift til aðlögunar eftir smekk hvers og eins.
Hin er gömul og góð, kemur frá nágrannakonu móðurömmu minnar heitinnar, en þær bjuggu báðar í fyrsta raðhúsinu sem byggt var á Akureyri og hefur alltaf verið kallað Langavitleysa. Sú kona hét Ída Magnúsdóttir. Kakan heitir Raspterta en ég kalla hana oft Íduköku. Þessi uppskrift er líklega um hundrað ára gömul en kakan er mjög einföld og sérlega ljúffeng.“
Aðalréttur
Steinabollur (eins og Steini gaf okkur uppskriftina)
2 hlutar svínahakk
1 hluti nautahakk
smávegis kjötfars
hafragrjón - meira en maður heldur
mjólk
egg
oregano
karrí
(varla neitt) salt
Aðferð:
Öllu hrært saman í hrærivél. Mótað í bollur og sett í smurt eldfast mót, bakað í ofni, þarf ekki að steikja fyrst. Spaghettisósa, úr tómötum, (ég kaupi oft Dolomio) hituð í potti og hellt yfir áður en bollurnar eru bornar fram. Gott er að hafa meira en nóg af sósunni því það fer ríflega af henni. Borið fram með soðnu spaghetti og salati (setja smá olíu í vatnið svo spaghettíið festist síður saman).
Eftirréttur
Raspterta
2 egg
2 dl sykur
3 dl ljóst brauðrasp (ekki þetta tvílita eins og PAXO)
1 tsk lyftiduft
60 g smjör eða smjörlíki, brætt
3½ msk mjólk
Aðferð:
Sykur og egg hrærð aðeins saman, restin af hráefnunum sett út í og hrært örlítið þar til þetta hefur blandast.
Eitt lausbotna mót u.þ.b. 24 sm smurt í hliðum og bökunarpappír settur í botninn (mjög mikilvægt því annars festist kakan við botninn). Bakað við 170°C gráður í 15-17 mínútur. Kakan kæld á rist.
Karamellukrem:
3dl rjómi
1½ dl sykur
3 tsk síróp (gamla góða Lyle´s í grænu dósunum)
Aðferð:
Soðið niður þar til sleifin myndar far í botninn. Þegar kremið hefur kólnað svolítið er 1 tsk vanilludropar og 45g kalt smjör sett útí og hrært. Hellt yfir kökuna og hún borðuð með bestu lyst.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.