Ofnbakaðar ostastangir, einfalt fiskgratín og æðislegur eftirréttur
Matgæðingaþátturinn sem hér fylgir birtist i 23. tbl. Feykis árið 2013:
„Við hjónin, Rakel Runólfsdóttir og Kári Bragason, búum á Hvammstanga þar sem ég hef umsjón með framhaldsdeild FNV og Kári rekur eigið fyrirtæki Tvo smiði ehf. ásamt félaga sínum. Við eigum 4 börn, Karen Ástu 15 ára, Dag Smára 14 ára, Aron Óla 10 ára og Ara Karl 3 ára, segir Rakel sem ásamt eiginmanni sínum er matgæðingur vikunnar hjá Feyki.
„Fjölskyldan er nýkomin heim úr draumaferð til Orlando og það er margt fleira skemmtilegt á dagskránni í sumar, nokkur fótboltamót, ættarmót í Vestamannaeyjum, bústaðarferð í Vesturhópið, brúðkaup og heimsóknir á Siglufjörð. Svo er unglistahátíðin Eldur í Húnaþingi 24. - 27. júlí, virkilega skemmtileg bæjarhátíð sem er alltaf beðið með mikilli eftirvæntingu," segir Rakel, sem sendir okkur góðar uppskriftir fyrir sumarið.
Forréttur
Ofnbakaðar ostastangir
2-3 mozzarellakúlur (eða 1 stór mozzarellalengja)
1 bolli hveiti
2-3 egg, þeytt þar til þau byrja að freyða
1 bolli brauðrasp
1 tsk ítalskt krydd
Aðferð:
1. Skerið mozzarellaostinn í viðeigandi bitastærð og látið í frystinn í 15 mínútur.
2. Hitið ofninn í 200°c.
3. Hitið raspið á pönnu þar til það hefur fengið gylltan lit og bætið kryddinu út í.
4. Setjið hveitið, eggin og brauðraspið allt í sitt hvora skálina. Dýfið ostastöngunum fyrst í hveitið, síðan í eggin og loks í raspið. Endurtakið með því að dýfa í egg og rasp aftur, ef þið teljið þurfa. Raðið á bökunarpappír með smjörpappír.
5. Bakið í 8-10 mínútur. Fylgist vel með og passið að osturinn fari ekki að leka út um allt.
6. Berið fram strax með salsasósu að eigin vali.
Þessar ostastangir er tilvalið að gera nokkrum dögum áður en þeirra er notið. Frystið eftir að þið hafið húðað þær. Takið síðan úr frysti og látið í ofninn, en athugið að þær þurfa þá aðeins lengri tíma í ofninum.
Aðalréttur
Einfalt fiskgratín með sveppum
700 g þorskur eða ýsa
1 tsk + ½ tsk salt
250 g sveppir
2 msk bragðdauf olía
2 hvítlauksrif
2 dl rjómi
½ - 1 msk maizena
½ – 1 grænmetisteningur
1 dl rifinn ostur
Aðferð:
Hitið ofninn í 200°C. Saltið fiskinn með 1 tsk af salti og leggið hann i eldfast mót. Skerið sveppina í sneiðar og steikið í olíu í um 5 mínútur. Afhýðið og fínhakkið hvítlaukinn og steikið hann með sveppunum síðustu 2 mínúturnar. Kryddið með ½ tsk af salti og hellið rjóma saman við. Látið sjóða í 2 mínútur og bætið þá maizenasterkju í sósuna. Setjið grænmetiskraft út í og látið sjóða um stund. Hellið sveppasósunni yfir fiskinn, stráið rifnum osti yfir og bakið í miðjum ofni í um 20 mínútur.
Eftirréttur
Mjög fljótlegt fyrir ca 4.
1 peli rjómi
4 kókosbollur
súkkulaðikurl
Rjóminn er þeyttur og kókosbollur stappaðar saman við. Súkkulaðikurli bætt við, sett í form og fryst. Góður með ávöxtum eða heitri súkkulaðisósu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.