Lasanja fyrir öll tilefni og uppáhalds ísinn
„Okkur finnst mjög gaman að fá gesti í mat en skipuleggjum það sjaldnast með löngum fyrirvara og gerum mjög lítið af því að halda veislur eða fín matarboð. Þegar við fáum matargesti er yfirleitt minni hlutinn af þeim fullorðinn og stundum töluvert margir í einu. Þess vegna eldum við mjög oft lasanja.
Það getur bæði verið spari og hversdags og hentar öllum aldurshópum. Uppskriftin sem kemur upphaflega úr bókinni Ostalyst er einfaldari en „venjuleg“ lasanja uppskrift" því það er kotasæla í stað hvítu sósunnar. Það er líka óvenjulega ljúffengt,“ segja matgæðingarnir Kristín Bjarnadóttir og Eiríkur Frímann Arnarson á Hofsósi sem voru matgæðingar í 8. tölublaði ársins 2016.
Aðalréttur
Lasanja
(uppskriftin er fyrir 6 – 8):
500 g hakk
½ bolli saxaður laukur
(1 hvítlauksgeiri ef vill)
1 dós tómatpasta (180g)
1½ bolli vatn
1 -2 tsk salt
¾ tsk oregano
¼ tsk pipar
Lasanjablöð
ein stór dós kotasæla
250 g ostur í sneiðum
Aðferð:
Brúnið hakkið, bætið lauknum í og látið krauma þar til laukurinn er meyr. Blandið tómatmauki, vatni og kryddi saman við og sjóðið í 30 mínútur. Setjið í eldfast mót til skiptis í þunnum lögum: Hakk, lasanjablöð, kotasælu og ost. Bakið í ofni við 190°C í 30 mínútur.
Með þessu finnst okkur best að hafa hvítlauksbrauð og salat með papriku, tómötum, fetaosti og ristuðum furuhnetum.
"Það getur alltaf komið sér vel að eiga fínan eftirrétt í frystinum. Við höldum mikið upp á ís sem við sáum í Nýjum eftirlætisréttum fyrir löngu. Um jólin höfum við ísinn alltaf eins og hann er í þessari uppskrift en fyrir þá sem eru t.d. ekki hrifnir af kokteilberjum má setja allt mögulegt annað í staðinn. Gott er að hafa í huga að það er minni sykur í þessum ís en í sumum öðrum uppskriftum. Fyrir krakka er sniðugt að frysta ísblönduna í plastglösum. En þegar við viljum hafa sérstaklega fínan ís fyrir fullorðna gerum við ístertu. Þá setjum við muldar makkarónukökur bleyttar í sherrýi í botninn á djúpu lausbotna hringformi, þjöppum vel og hellum ísblöndunni ofan á. Svo er hægt að gera tvöfalda uppskrift og frysta í ofnskúffu fyrir fermingarveisluna, setja á fat, leggja marsipan yfir og skreyta eins og hverja aðra fermingartertu."
Eftirréttur
Ísinn
8 eggjarauður
80 g flórsykur
3-4 tsk vanillusykur
1 l rjómi
100 g rauð kokteilber
100 g græn kokteilber
200 g Toblerone súkkulaði
Aðferð:
Þeytið eggjarauðurnar, sigtið flórsykur og vanillusykur saman við og þeytið áfram mjög vel (því lengur því betra). Þeytið rjómann og blandið honum varlega saman við (það er best að byrja að blanda litlu af rjómanum vel saman við og setja svo smátt og smátt meira). Blandið brytjuðum kokteilberjunum og súkkulaðinu saman við. Það er mikilvægt að frysta ísinn í þéttu lokuðu íláti eða breiða vel yfir.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.